Израилдин Газага кол салуулары тыйыла элек
Палестинанын расмий маалымат агенттиги WAFAнын маалыматына караганда, кол салуулардын натыйжасында көптөгөн палестиналык, анын ичинде балдар жана аялдар каза болду жана жаракат алды.
Эл аралык соттун Рефах шаарына кол салууларды токтоосуз токтотуу чечимине көңүл бурбаган Израиль түнү бою Газа тилкесинин ар кайсы жерлерине согуштук учактар, артиллерия жана танктар менен кол салды.
Израиль армиясынын 2023-жылдын 7-октябрынан бери Газа тилкесине кол салууларында каза болгондордун саны 35 миң 984кө жетти.
Палестинанын Саламаттык сактоо министрлигинин Газадагы билдирүүсүндө Израилдин Газа тилкесине 233 күндөн бери кол салуулары тууралуу маалымат берилди.
Израиль армиясынын акыркы 24 саатта Газанын ар кайсы жерлерине 8 кол салуусунда дагы 81 палестиналыктын каза болгондугу, 223 палестиналыктын жараланганы белгиленди.
Израилдин 7-октябрдан бери Газа тилкесине кол салууларында каза болгондордун саны 35 миң 984кө, жаралуулардын саны 80 миң 643кө жеткени белгиленди.
Билдирүүдө урандылардын астында жана жол жээгинде дагы эле каза болгондордун бар экени, бирок Израиль күчтөрүнүн тоскоолдугунан улам медициналык топтор менен жарандык коргонуу өкүлдөрүнүн сөөктөргө жете албаганы да белгиленди.
