Газанын түндүгүндө интернет үзүлдү

Палестинанын телекоммуникациялык компанияларынын бири Paltel Group Израилдин кол салууларына кабылган Газа тилкесинин түндүгүндө интернетке кирүүнүн үзүлгөнүн билдирди.

Paltel Group тарабынан берилген жазуу түрүндөгү билдирүүдө Израилдин кол салууларынын байланышка таасир тийгизгени белгиленди.

Билдирүүдө кол салуулардан улам Газа шаарында жана түндүк аймактарда стационардык интернет кызматтарынын өчүрүлгөнү, кирүү мүмкүнчүлүгүн калыбына келтирүү үчүн топтордун иштерин улантып жатканы белгиленди.

Израилдин 2023-жылдын 7-октябрынан бери уланткан кол салууларында инфраструктуранын бутага алынышынын натыйжасында Газа тилкесинин ар кайсы аймактарында интернет жана байланыш көп жолу өчүрүлдү.

Израилдин Газа тилкесине карай уланган кол салуулары менен аймактагы суу, азык-түлүк, дары-дармек, электр энергиясы жана күйүүчү май менен камсыздоо үзүлүп, стационардык телефон, уюлдук телефон жана интернет байланыш кызматтары да бат-бат үзгүлтүккө учурады.