Израилдин Газага кол салуулары

Израилдин 48 күндөн бери катуу кол салуусуна дуушар болгон Газа тилкесинде каза тапкан палестиналыктардын саны 15 миңден ашты, алардын 6 миң 150дөн ашыгы балдар.

Газадагы өкмөттүн басма сөз кызматы Газа тилкесиндеги абалга байланыштуу Telegram баракчасына жарыялаган билдирүүсүндө, Израилдин кол салууларында 70 журналист, 207 медицина кызматкери жана 26 жарандык коргонуу кызматкеринин каза болгону маалымдалды.

Израилдин 7-октябрдан «гуманитардык тыныгуу» башталган 24-ноябрга чейинки кол салууларында 6 миң 150дөн ашууну бала, 4 миңден ашууну аял жалпы 15 миңден ашык кишинин каза тапканы билдирилди.

Жаракат алгандардын санынын 36 миңден ашканы, бул адамдардын 75 пайызын аялдар жана балдар түзгөнү айтылды.

Билдирүүдө дайынсыз жоголгондордун саны 4 миң 700ү аялдар жана балдар болуп 7 миңге жеткени белгиленди.

Израилдин кол салууларында 103 мамлекеттик мекеменин талкаланганы, 266 мектептин бутага алынганы жана алардын 67синин иштебей калганы кабарланды.

Ошондой эле кол салууларда 88 мечиттин толугу менен талкаланганы, 174ү зыян тартканы жана 3 чиркөөнүн бутага алынганы белгиленди.

Израилдин Газа тилкесинде 48 күндө болжол менен 50 миң үйдү толугу менен кыйратканы жана 240 миң үйгө зыян келтиргени белгиленген билдирүүдө, бул сандын Газа тилкесиндеги үйлөрдүн 60 пайызына туура келгени айтылды.

Газа тилкесинде саламаттыкты сактоо тармагындагы олуттуу коркунучтун уланып жатканы, Израилдин кол салууларынан улам 26 оорукана, 55 саламаттыкты сактоо борбору жана 56 тез жардам унаасынын иштебей калганы маалымдалды.

Аймакка күйүүчү май агымынын маанисине токтолгон билдирүүдө, өзгөчө Газа шаары менен түндүктө болжол менен 800 миң палестиналыктын оор шарттарда аман калууга аракет кылганы белгиленди.