Украинага оор куралдарды жөнөтүү сунушу Германия парламентинде кабыл алынды
Курал-жарактарды жеткирүү НАТОнун мүчөлөрү менен тыгыз кызматташтыкта ишке ашырылат.
![Украинага оор куралдарды жөнөтүү сунушу Германия парламентинде кабыл алынды](http://cdn.trt.net.tr/images/xlarge/rectangle/c9b3/52f0/dd50/626a80bca1612.jpg?time=1719282534)
Германиянын Бундестагында Украинага оор куралдарды жөнөтүү сунушу кабыл алынды.
Өкмөттү түзгөн Социал-демократиялык партия (СПД), Жашылдар жана Эркин демократиялык партия (ФДП) тарабынан берилген сунушту Христиандык биримдик партиялары (CDU/CSU) да колдоду. Ашыкча оңчул Германия үчүн альтернатива партиясы жана Солчул партия сунушка каршы добуш беришти.
«Европадагы тынчтыкты жана эркиндикти коргойлу» деген сунуш 586 «макул», 100 «каршы» добуш менен кабыл алынып, 7 депутат калыс добушун берди.
Бекитилген сунуш өкмөткө Украинага оор куралдарды жана түрдүү курал системаларын жөнөтүүгө мүмкүндүк берет.
Бирок курал-жарактарды жеткирүү НАТОнун мүчөлөрү менен тыгыз кызматташтыкта ишке ашырылат.
Сунушка "каршы" добушун берген Солчул партиянын парламенттик тобунун төрагасы Дитмар Бартч Украинага курал-жарак жеткирилишинин натыйжасында өзөктүк согуш коркунучу бар экенин эскертти.
Орус аскерлери 24-февралда Украинага чабуул койгон болчу.