Шанахан журналисттердин суроолоруна жооп берди

АКШнын коргоо министринин орун басары Патрик Шанахан Түркияга F-35 учактарын тапшыргандан кийин баш калаа Анкарага келгиси келгенин билдирди.

Албаниянын коргоо министри Отла Хачка менен АКШнын Коргоо министрлигинде жолуккан Шанахан журналисттердин суроолоруна жооп берди.

Америка-түрк кеңешинин 37-жылдык конференциясынын алкагында Вашингтонго барган улуттук коргоо министри Хулиси Акар менен өткөргөн жолугушуусуна баа берген Шанахан «Кайда туңгуюк бар, кантип чечебиз» деген суроого жооп издеп жаткандарын айтып: «Биз позицияларга караганда кызыкчылыктарга көбүрөөк басым жасайбыз»,-деди.

Шанахан эки өлкөнүн ортосундагы карым-катнаштарда илгерилөө камсыздагандарын белгиледи.

Түркиянын стратегиялык өнөктөш экенин айткан АКШнын коргоо министринин орун басары: «Хулиси Акар менен жолугушуу мени кубантат. Түркияга биргелешкен чабуул коюучу F-35 учактарын тапшыргандан кийин аны менен жолугушкум келгенин айттым»,-деди.

Бул учурда Сириянын түндүгүндө курулуусу пландалган коопсуз аймак темасы күн тартипте туруктуу бойдон турат.

Пентагондун катчысы Чарльз Саммерс коопсуз аймак темасында Түркия менен жүргүзүлүп жаткан сүйлөшүүлөрдүн иштиктүү өткөнүн айтты.