თურქული პრესა 18.03.2022

თურქული პრესის მოკლე მიმოხილვა

მიმოხილვას ვიწყებთ გაზეთ „საბაჰ“-ში გამოქვეყნებული ინფორმაციით, რომლის თანახმადაც, პრეზიდენტმა რეჯეფ თაიფ ერდოღანმა რუსეთის პრეზიდენტ პუტინთან სატელეფონო საუბარი გამართა. ერდოღანმა ხაზგასმით აღნიშნა, რომ ზოგიერთ საკითხზე კონსენსუსის მიღწევამ შეიძლება მოითხოვოს მოლაპარაკებები ხელმძღვანელობის დონეზე და გაიმეორა შეთავაზება პუტინისა და უკრაინის პრეზიდენტის ვოლოდიმირ ზელენსკის მასპინძლობის შესახებ სტამბოლში ან ანკარაში.

გაზეთი „ჰურიეთი“-ს ცნობით, საგარეო საქმეთა მინისტრი მევლუთ ჩავუშოღლუ უკრაინის ქალაქ ლვოვში უკრაინის საგარეო საქმეთა მინისტრს დმიტრო კულებას შეხვდა, რომელსაც მოსკოვში ვიზიტის შემდეგ ეწვია. შეხვედრის შემდეგ გაკეთებულ განცხადებაში ჩავუშოღლუმ აღნიშნა, რომ ცეცხლის შეწყვეტის იმედები გაიზარდა.

უკრაინის საგარეო საქმეთა მინისტრმა დმიტრო კულებამ მინისტრ ჩავუშოღლუს პირადი ძალისხმევისთვის მადლობა გადაუხადა, თქვა, რომ რუსეთ-უკრაინის ომის გადაწყვეტის გარანტორ ქვეყნებს შორის თურქეთის ხილვაც სურთ. - წერს გაზეთი „სტარი“. "თქვენი მონდომება, გამბედაობა და თქვენი პირადი ვიზიტი ადასტურებს, რომ თურქეთი აქტიური მოთამაშეა". - განაცხადა კულებამ.

გაზეთ „იენი შაფაკ“-ში გამოქვეყნებული ინფორმაციის თანახმად, ოჯახისა და სოციალური მომსახურების მინისტრმა დერია იანიკმა განაცხადა, რომ თურქულ საზოგადოებას საზღვარგარეთ, განსაკუთრებით ევროპაში მეურვეობის პრობლემები აქვს და დაამატა: „ჩვენ გვსურს დავნიშნოთ ოჯახის ატაშეები ყველგან, სადაც თურქული საზოგადოება ცხოვრობს“.

და ბოლოს, გაზეთი „ჰაბერ თურქი“-ს ცნობით, ჯანმო-ს ევროპის რეგიონულმა დირექტორმა, ექიმმა ჰანს კლუგემ თქვა, რომ მიზეზი, რის გამოც მათ აირჩიეს სტამბოლი ევროპის რეგიონის მიგრაციისა და ჯანმრთელობის შესახებ მაღალი დონის შეხვედრისთვის იყო ის, რომ თურქეთი რაიმე სახის განსხვავების გარეშე უზრუნველყოფს ყველა ლტოლვილის თანაბარ სამედიცინო მომსახურებას.