თურქული პრესა 28.05.2021
თურქული პრესის მოკლე მიმოხილვა
![თურქული პრესა 28.05.2021](http://cdn.trt.net.tr/images/xlarge/rectangle/d699/2be6/df67/5e7469b65cdd8.jpg?time=1719019099)
თურქული პრესის მოკლე მიმოხილვა
მიმოხილვას ვიწყებთ გაზეთ „საბაჰ“-ში გამოქვეყნებული ინფორმაციით, რომლის თანახმადაც პრეზიდენტმა რეჯეფ თაიფ ერდოღანმა განაცხადა, რომ შავ ზღვაში 405 მილიარდი კუბური მეტრი გაზის აღმოჩენის შემდეგ ხმელეთზე ჩატარებულმა სამუშაოებმაც შედეგი გამოიღო და დაამატა: „მხოლოდ ბოლო 1 თვეში 3 ახალ ჭაბურღილში ნავთობი აღმოვაჩინეთ.“
გაზეთი „ჰურიეთი“-ს ცნობით, საგარეო საქმეთა მინისტრმა მევლუთ ჩავუშოღლუმ გუშინ გაერთიანებული ერების ორგანიზაციის ადამიანის უფლებათა დაცვის საბჭოს პალესტინის საკითხზე სპეციალურ სხდომაზე სიტყვით გამოსვლისას აღნიშნა: ისრაელის დაუსჯელობის დასასრულებლად ეფექტური საშუალებები უნდა მოვძებნოთ.“
პრეზიდენტის პრესსპიკერმა, იბრაჰიმ ქალინმა, გუშინ გაკეთებულ განცხადებაში აღნიშნა, რომ ივნისში გასამართი ევროკავშირის სამიტი მნიშვნელოვანია და დაამატა: „იქ უკვე ველოდებით, რომ თურქეთის მოლოდინების საკითხზე კონკრეტული ნაბიჯები გადაიდგმება. ამ მოთხოვნას ისევ გადავცემთ.“ - წერს გაზეთი „სტარი“.
გაზეთ „ვათან“-ში გამოქვეყნებული ინფორმაციის თანახმად, თურქეთის თავდაცვის ინდუსტიის კომპანიების თანამშრომლობით შექმნილმა "ULAQ"-ის სერიის პირველმა პლატფორმამ, შეიარაღებულმა უპილოტო საზღვაო საშუალებამ (SİDA) გუშინ ეგეოსისა და ხმელთაშუა ზღვაში საზღვაო წვრთნების DENİZKURDU-2021 ფარგლებში პირველი გასროლა წარმატებით განახორციელა.
და ბოლოს, გაზეთი „ჰაბერ თურქი“-ს ინფორმაციით, ეგეოსის ზღვაზე მდებარე კურორტებზე ტურისტული სეზონი დაიწყო. ეგეოსის რეგიონის ტურისტული დაწესებულებებისა და სასტუმროების გაერთიანების თავმჯდომარის მოადგილემ ორჰან ბელგემ განაცხადა: „სერიოზული რაოდენობის ჯავშნები გვაქვს გერმანიიდან, ჰოლანდიიდან, ბელგიიდან და ჩინეთიდან.“