თურქული პრესა 01.08.2019
თურქული პრესის მოკლე მიმოხილვა
თურქული პრესის მოკლე მიმოხილვა
მიმოხილვას ვიწყებთ გაზეთ საბაჰში გამოქვეყნებული ინფორმაციით, რომლის თანახმადაც, საერთაშორისო სამხედრო ძალების მონაცემების მქონე Global Fire Power-მა 2019 წლის მეორე კვარტლის ყველაზე ძლიერი სამხედრო ძალის მქონე ქვეყნების სია გამოაქვეყნა, რომლის მიხედვითაც, თურქეთის არმია მსოფლიოს ერთ-ერთი უძლიერეს არმიებს შორისაა. სიაში თურქეთის ადგილის განმსაზღვრელი ყველაზე მნიშვნელოვანი ფაქტორი ოპერაციებში ტექნოლოგიების საუკეთესოდ გამოყენება გახდა.
გაზეთი სტარის ცნობით, იზმითის ყურეში მდებარე პორტი DP World-ი 1 კილომეტრიანი სარკინიგზო ხაზით ყარსი-თბილისი-ბაქოს ხაზით კასპიის ზღვას იქედან ჩინეთს დაუკავშირდა. ტრანსპორტისა და ინფრასტრუქტურის მინისტრმა ჯაჰით თურჰანმა განაცხადა: „ეს მომსახურება, კერძო სექტორის კუთხით ჩვენს ქვეყანაში პირველია.“
ქარაბუქის რკინისა და ფოლადის ფაბრიკამ (KARDEMİR) დაიწყო „1915 ჩანაქქალეს ხიდის“ დამხმარე სტრუქტურების წარმოება - წერს გაზეთი „ვათანი“. დასრულების შემდეგ ხიდი „მსოფლიოს ყველაზე გრძელი საშუალო მონაკვეთის მქონე დაკიდებული“ „სიმბოლოების ხიდი“ იქნება.
გაზეთი „იენი შაფაკი“ იუწყება, რომ თურქეთი, რომელმაც კოსმოსური კვლევების სამუშაოები ინტენსიური გახადა, 23-26 სექტემბერს კოსმოსური სამართლის სფეროში ჩასატარებელ მნიშვნელოვან საერთაშორისო კონფერენციას უმასპინძლებს.
და ბოლოს, გაზეთი „ჰურიეთი“-ს თანახმად, თურქეთის ავიახაზებმა მეოთხე Boeing 787-9 Dreamliner-ის მოდელის თვითმფრინავი ჩაიბარა. ახალი Dreamliner-ი THY-ს ინვენტარში 341-ე ნომრით შევიდა. სიეტლში გამართულ ჩაბარების ცერემონიაზე თურქეთის ავიახაზების პრესასთან ურთიერთობების სამსახურის ხელმძღვანელმა იაჰია უსთუნმა განაცხადა: „როგორც მსოფლიოს ყველაზე მასშტაბური ფლოტის მქონე ავიაკომპანია ზრდას განვაგრძობთ.“