თურქული პრესა 19.11.2018
თურქული პრესის მოკლე მიმოხილვა
![თურქული პრესა 19.11.2018](http://cdn.trt.net.tr/images/xlarge/rectangle/78f0/a2eb/9d62/5acb2352e7e37.jpg?time=1718911695)
მიმოხილვას ვიწყებთ გაზეთ „Sabah“-ით რომელშიც ჩაუშოღლუს ამერიკაში ვიზიტზეა ყურადღება გამახვილებული და მასში ვკითხულობთ: გაერო-ს ცივილიზაციათა ალიანსის მე-8 გლობალურ ფორუმზე დასწრების მიზნით, ნიუ-იორკში მყოფმა თურქეთის საგარეო საქმეთა მინისტრმა მევლუთ ჩავუშოღლუმ განაცხადა, რომ თურქეთ-ამერიკის ურთიერთობებს დეტალურად 20 ნოემბერს ვაშინგტონში თავის კოლეგა, მაიკ პომპეოსთან შეხვედრის დროს განიხილავს.
გაზეთ „Hürriyet“-ში ყურადღებას იპყრობს სტატია სახელწოდებით, „მინისტრ აქარის კრიტიკული შეხვედრა“ და მასში ვკითხულობთ: ჰალიფაქსის საერთაშორისო უსაფრთხოების ფორუმზე მონაწილეობის მიზნით კანადაში მყოფმა თავდაცვის მინისტრმა ჰულუსი აქარმა აშშ-ის გენერალური შტაბის უფროს, ჯოზეფ დანფორდს შეხვდა, რომლის დასრულების შემდეგ მან განაცხადა: „შეხვედრაზე სეპარატისტული ტერ-ორგანიზაცია, PKK-ს სირიის ფრთა YPG-სათვის ამერიკის მხარდაჭერა განვიხილეთ, რომელიც ჩვენთვის მიუღებელია. ამიტომ მოვითხოვთ, რომ ამერიკამ მათთან კავშირი რაც შეიძლება მალე შეწყვიტოს. ტერ-ორგანიზაცია YPG-სათვის ტრაილერებით და თვითმფრინავების იარაღის მიწოდება, ჩვენს ურთიერთობებს დიდ ზიანს აყენებს. ამიტომ, ჩვენი მოკავშირეებისგან კიდევ ერთხელ მოვითხოვეთ, რომ ამ საკითხთან დაკავშირებით ჩვენი დამოკიდებულება გაითვალისწინონ. რადგან, PKK-სა და YPG-ს შორის არანაირი განსხვავება არ არის.“
გაზეთი „Vatan“-ი რუსეთის ენერგეტიკის მინისტრის თურქეთის შესახებ გაკეთებულ განცხადებას უთმობს ადგილს და მასში ვკითხულობთ: რუსეთის ენერგეტიკის მინისტრმა ალექსანდრე ნოვაკმა განაცხადა, რომ თურქული ნაკადის მსგავსი პროექტები, რუსეთ-თურქეთის ეკონომიკის გაძლიერების საფუძველს ქმნიან. ნოვაკმა ასევე აღნიშნა, რომ მიმდინარე წელს თურქეთში ჩასული რუსი ტურისტებით რეკორდის დამყარებას აპირებენ.
გაზეთი „Yeni Şafak“-ი წერს, რომ გერმანიაში, ლუდვიგ მაქსიმილიანის უნივერსიტეტის ლაბორატორიაში მომუშავე თურქმა ნევროლოგმა დოქტორ, ალი ერთურქმა „დიზკო-დიფუზური“ სახელწოდების მეთოდით, რომლის პატენტიც აიღო, თაგვის სხეული ხისტი და პლასტიკურის მსგავს ფორმაში მოიყვანა. ამ მეთოდით დემენციის, დამბლის, დიაბეტის და კიბოს დაავადებების გამოკვლევა უფრო დეტალურად შეიძლება გაკეთდეს. ერთურქმა თავის ნაშრომი აშშ-ს, სან დიეგოს ნევროლოგის საზოგადოებას წარუდგინა. აღნიშნულო პროექტი ასევე საერთაშორისო სამეცნიერო ჟურნალ, Nature-შიც გამოქვეყნდა.
გაზეთი „Haber Türk“-ი იტყობინება, რომ თურქმა ავტომრბოლელმა ჯან ონჯუმ, რომელიც ჯერ კიდევ 15 წლისაა, ისტორიულ წარმატებას მიაღწია. სპორტსმენმა Moto3-ის ვალენსიის გრან-პრის ბოლო ეტაპზე, ასპარეზობა მეოთხე რიგში დაიწყო, მაგრამ მომდევნო ეტაპებზე კონტროლი დაამყარა და პირველ ადგილზეც გავიდა. ამით, ჯან ონჯუმ Moto3-ის ყველაზე ახალგაზრდა ჩემპიონატის ტიტული მოიპოვა.