تورکیه یهودی ناقللر نینگ قیلمیشی نی قاره له دی

تورکیه, یهودی ناقللرنینگ اسرائیل تامانیدن اشغال ایتیلگن فلسطین نینگ اوریف شهریده گی بیر مسجد گه کیریب قرآن کریم گه حقارت قیلگن لیگینی قاره له دی. 

اوشبو توغریده تورکیه جمهوریتی تشقی ایش لر وزیرلیگی تامانیدن یازمه بیانات بیریلدی. 

سونگّی کونلرده غربی نوارده ینگی دن آرتیب کیتگن بحران سببلی قیغو بیلدیریلگن بیاناتده,  "بیر گروپ یهودی ناقل نینگ, اسرائیل تامانیدن اشغال ایتیلگن فلسطین حدود لریده اورین آلگن اوریف شهریده گی بیر مسجد گه کیریب مقدس کتابی میز قرآن کریم گه حقارت قیلگن لیگینی قاره له یمیز.  بو قبول قیلینیشی ممکن بولمه گن نفرت جرمی نینگ فاعل لری نینگ زودلیک بیلن محکمه گه بیریلیشی نی کوتماقده میز.  عینی دمده غربی نوار نینگ فرقلی جای لریده یهودی ناقل لرنینگ اویوشتیرگن هجوم لری و اسرائیل کوچ لری نینگ فلسطینلیک بیر نفر ملکی نی اولدیرگن لیگینی قتتیق قاره له یمیز.  اسرائیل اشغالی آستیده گی فلسطین توپراق لریده یهودی ناقل لر تامانیدن فلسطین خلقی, مسجد لری, تورر جای لری و مال لری گه قره ته اویوشتیریلیاتگن برچه هجوم لر و اسلام گه قرشی دشمن لیک داخل نفرت جرم لری نینگ آلدی نینگ آلینیشی نینگ, اسرائیل دولتی نینگ خلق ارا حقوق دن کیلیب چیققن مسئولیتی ایکن لیگینی ینه بیر بار اورغوله یمیز" دییه قید ایتیلدی.