تورکیه ده جمهوررئیسلیک سیلاولری نینگ ایکّینچی دوری بولیب اوته دی

توناون تورکیه ده جمهوررئیسلیک و 28- دور پارلمانی سیلاولری بولیب اوتدی. اوشبو سیلاوده کاندید لردن هیچ قیسی سی نینگ سیله نه آلمه گن لیگی سببلی جمهوررئیسلیک سیلاوی نینگ ایکّینچی دوری بولیب اوته دی. 

تورکیه جمهوریتی عالی سیلاو کمیسیونی باشلیغی احمد ینر, کاندید لردن هیچ قیسی سی نینگ ییترلی رای آله آلمه گن لیگی سببلی جمهوررئیسلیک سیلاو لری نینگ ایکّینچی دوری نینگ 28- می کونیده اوتکزیلیشی گه قرار قیلینگن لیگینی معلوم قیلدی. 

ینر, تورکیه ایچیده صندوق لرنینگ 100 فایز آچیلگن لیگی و اشتراک میزانی نینگ تورکیه ده 88,92 فایز و چیت ایللرده ایسه اوشبو رقم نینگ 52,69 فایز ایکن لیگینی بیلدیردی. 

ینر, انیق بولمه گن اوتکینچی نتیجه لر گه کوره, رجب طیب اردوغان نینگ 49,51, کمال قلیچداراوغلی نینگ 44,88, سنان اووان نینگ 5,17 و محرم اینجه نینگ 0,44 فایز رای آلگن لیگینی معلوم قیلدی. 

رسمی بولمه گن نتیجه لر گه کوره, پارلمانی سیلاولر بوییچه رای لرنینگ 99,86 فایزی سنلدی.  آلینگن رای لر قوییده گیچه:

جمهور اتفاقی: 49,46 فایز

عدالت و توسعه حزبی: 35,58 فایز

ملیتچی حرکت حزبی: 10,07 فایز

ملت اتفاقی: 35,02 فایز

جمهوریت خلق حزبی: 25,33 فایز

یخشی حزبی: 9,69 فایز