باشلریدن بیریکیب توغیلگن پاکستانلیک ایگیزه‌کلر عملیات آرقه لی اجره تیلدی
باشلریدن بیریکیب توغیلگن اوشبو ایگیزه کلر پاکستاندن آلیب کیلیریلدی و انقره ده عملیات قیلیندی
تورکیه جمهوریتی جمهور باشلیغی رجب طیب ایردوغان نینگ بویروغی بیلن پاکستاندن تورکيه‌گه آلیب کېلینگن، باشلریدن بیریکیب توغیلگن 8 آیلیک اېگیزه‌کلر 14 ساعتلیک عملیات نتیجه سیده اجره‌تیلدی.
پاکستانلیک میرها و میانل 2023 ییل سپتامبر آییده باشلریدن بیریکیب توغیلگن اېدی.
اوز مملکتلریده فرزندلرینی دواله‌تیش امکانیتیگه اېگه بولمه‌گن عایله تورکيه‌دن یاردم سوره‌ب مراجعت قیلدی و بو چقیریققه تورکيه جوابسیز قالمه‌دی.
جمهور باشلیغی ایردوغان یاپیشگن اېگیزه‌کلرینی دوالش اوچون تورکيه‌گه آلیب کېلیش بوییچه بویروق بېردی.
باشلریدن بیریکیب توغیلگن 8 آیلیک اېگیزه‌کلر پایتخت انقره‌ده جایلشگن بیلکېنت شهر کسلخانه‌سیده ایکّی باسقیچلی عملیات آرقه‌لی اجره‌تیلدی.
آته‌سی رېحا‌ن علی جوده بختلی اېکنینی و برچه‌گه منّتدارچیلیک بیلدیریشینی تیلگه آلیب، شونده‌ی دېدی: "فرزندلریمنی علیحده کورگن آنیمده جوده بختیار بولدیم، بو جوده عجایب اېدی. اېندی اولر بیرینچی ییللریگه ساغ-سلامت یېتیب کېلیشه‌دی، جوده خرسندمیز. اېنگ اوّلا جمهور رئیس رجب طیب اېردوغا‌نگه، ساغلیقنی سقلش وزیرلیگی گه، بیلکېنت شهر کسلخانه‌سیگه، برچه داکترلرگه و ساغلیق خادملریگه منّتدارچیلیک بیلدیره‌میز. جمهور اېردوغا‌ن بیلن اوچره‌شیشنی جوده ایسته‌یمیز، اونگه منّتدارچیلیک بیلدیریشنی خواهله‌یمیز." دیدی.
آنه‌‌سی نا‌زیه پروین اېسه جمهور باشلیغی ایردوغانگه، برچه داکترلرگه و ساغلیکنی سقلش خادملریگه اوز منّتدارچیلیگینی بیلدیرگن حالده شونده‌ی دېدی: "جوده بختلیمن، باله‌لریم اېندی ساغلم و یخشی حالتده." دیب ایتدی.
