جمهور رئیس ایردوغان امریکاگه تشریف بیوره دی

جمهور باشلیغی رجب طیب اېردوغان، 21-26 سپتامبر کونلری امریکا قوشمه‌ ایالتلریگه تشریف بیوره‌دی.

اېردوغان، 193 مملکت نینگ حکومت و دولت رهبرلری بیلن بیرگه‌ نیویورک شهریده‌ جایلشگن بیرلشگن ملتلر تشکیلاتی نینگ 79-جلسه سیده اشتراک اېته‌دی.

24 سپتامبرده بیرلشگن ملتلر تشکیلاتی ستیژیدن 14-مرته‌ سوزگه چیقه دی، اونده گلوبا‌ل تیزیم نینگ عدالتسیزلیگیگه ینه‌ بیر بار اعتبار قره‌ته‌‌دی و بیرلشگن ملتلر تشکیلاتینی قَیته شکللنتیریش ضرورلیگینی تأکیدله‌یدی.

جمهور رئیس اېردوغان، نیویورک ده هم بیرقطار دیپلوماتیک فعالیت آلیب باره‌دی و جهان رهبرلری بیلن یوزمه-یوز اوچره‌شوولر اوتکزه‌دی.

دولتلرارا مناسبتلر، شونینگدېک، منطقوي و گلوبا‌ل مسأله‌لر بهالنیشی رېجه‌لشتیریلگن.

اوچره‌شوولراېسه بیرلشگن ملتلر تشکیلاتی باش اداره‌سی یقینیده‌گی تورک اویی ده بولیب اوته‌دی.

اېردوغان نینگ امریکا قوشمه ایالتلری گه تشریفی دوامیده‌ سوداگرلر عالمی وکیللری بیلن هم اوچره‌شیشی کوتیلماقده. کتّه‌ کمپنیلر رهبرلری بیلن تورکيه‌گه سرمایه کیریتیش امکانیتلری و اوزارا سودانینگ آشیریلیشی تیلگه‌ آلینه‌دی.

سونگگی پیتلرده تورکيه-امریکا قوشمه ایالتلری مناسبتلریده‌گی ایجابي سیلجیش بیلن بیرگه‌، 100 میلیارد دالرلیک مشترک سودا حجمی مقصدی کون ترتیبیده بوله‌دی.