کابلده شهر مرکزیده قالیب کیتگن بیش نفر تورک وطنداشی تورک حربی لر تامانیدن قوتقریلدی

طالبان نینگ کابل نی قولگه کیریتیشی آرتیدن انسان لرنینگ منطقه دن چیقاریلیشی بوییچه فعالیت لر دوام ایترایکن, شهر مرکزیده قالیب کیتگن کیشی لرنینگ امنیت منطقه گه کیتیریلیشی اوچون هم فعالیت آلیب باریلماقده. 

ساچ ایکیش کلینیکی ده ایشلش اوچون 23 کون آلدین افغانستان گه کیتگن 2 عیال و 3 ایرکک تورک ساغلیق پرسونلی, کابلده خوددی شوو ساغلیق مرکزی ده قالیب کیتدی. 

اجتماعی ترماق آرقه لی یاردم طلب ایتگن اوشبو کیشی لر, تورک خوفسیزلیک کوچ لری تامانیدن شهر مرکزی ده گی کلینیک دن آلینیب حامد کرزی خلق ارا هوا قونلغه سی گه انتقال ایتتیریلدی. 

اجتماعی ترماق آرقه لی ویدیو تصویر ترقه تیش نینگ اورتاق فکر لری ایکن لیگی نی بیلدیرگن اوشبو کیشی لردن بیری علینا تیکی, جوده قورققن لیک لری نی معلوم قیلرایکن, "بو ییرده تورک حربی لر و ضربتی کوچ بیز بیلن همکارلیک قیلدی.  دولتی میز بیزنی بو ییرده تشلب کیتمه دی.  ویدیو نی ترقتگچ بیز بیلن ارتباط قوریب بیز گه یاردم ایتدی.  بیز لرنی ضربتی کوچ قوتقردی. اولر گه منتدارچیلیک بیلدیره میز.  همه نرسه اوچون تشکر" دییه قید ایتدی. 

تورکیه خوفسیزلیک کوچ لری نینگ اولرنی بونده ی یمان بیر وضعیتدن قوتقرگن لیگی نی بیلدیرگن خدیجه اینجه قاره هم, "تورک پولیسی و حربی لری گه منتدارچیلیک بیلدیره من.  ایش لری حقیقت دن هم جوده قیین.  چقور منتدارچیلیک بیلدیره من.  بیزلر بیلن انچه قیزیقدی لر.  بو ییرده گی یمان وضعیت دن بیز لرنی نجات بیردی لر" دییه قید ایتدی. 

اوشبو تورک وطنداش لری نینگ, دستلب پاکستان گه باریب کیین ایسه تورکیه گه کیلیشی کوتیلماقده.