تورکیه: افغانستانده گی تورک حربی لر نینگ خوفسیزلیگی اوچون کیره کلی تدبیر لر آلیندی

تورکیه جمهوریتی ملی مدافعه وزیری خلوصی آقر, افغانستانده تورک عسکر لری نینگ خوفسیزلیگی بوییچه هر خیل تدبیر لرنی آلگن لیک لری نی معلوم قیلدی. 

آقر, افغانستان بوییچه ینگیلیک لر نی یقیندن کوزه تیاتگن لیک لری نی بیلدیردی. 

آقر, "بیزنینگ جهتی میزدن اینگ مهم نرسه تورک حربی لری نینگ خوفسیزلیگی دن عبارت.  تورک حربی لری نینگ خوفسیزلیگی اوچون کیره کلی تدبیر لر نی آلدیک و بوندن کیین هم تدبیر آلیش گه دوام ایته میز. ینگیلیک لرنی یقیندن کوزه تماقده میز.  هیچ قچان تورک حربی لری نینگ حیاتی نی خطر گه دوچ قیلیشی میز ممکن ایمس.  حاضر وضعیت اونچه لیک یمان ایمس دیک کورینماقده.  تخلیه لر دوام ایتماقده.  وضعیت نینگ اوزگریشی ممکن مفکوره سی بیلن حادثه لرنی حساسیت و جدیت بیلن کوزه تیش گه دوام ایتماقده میز.  هر قنده ی بیر فرقلی ینگیلیک یوز بیریشی تقدیرده کیره کلی پلان لری میز نی تطبیق ایتیش گه تیارمیز" دییه قید ایتدی.