ایردوغان عراق نینگ شمالیده ترور تشکیلاتی پ.ک.ک گه قرشی اویوشتیریلگن عملیات توغریسیده بیانات بیردی

جمهوررئیس ایردوغان عراق نینگ شمالیده ترور تشکیلاتی پ.ک.ک گه قرشی اویوشتیریلگن عملیات توغریسیده بیانات بیردی

تورکیه جمهوریتی جمهوررئیسی رجب طیب ایردوغان, عراق نینگ شمالیده بولووچی ترور تشکیلاتی پ.ک.ک گه قرشی اویوشتیریلگن "پنجه- چقماق" عملیاتی بیلن علاقه لی بیانات بیردی. 

ایردوغان بیاناتیده, "هدفی میز, جنوبی چیگره لری میزده تشکیل ایتیلیش گه حرکت قیلینیاتگن تروریزم و تهدید لرنی بوتونله ی یوق قیلیشدن عبارت" دییه قید ایتدی. 

جمهوررئیس ایردوغان, اوشبو عملیات نینگ قومانده مرکزی بیلن تماس قوریب عسکر لر گه قره ته بیانات بیردی. 

ایردوغان اوشبو بیاناتیده, " هدفی میز, جنوبی چیگره لری میزده تشکیل ایتیلیش گه حرکت قیلینیاتگن تروریزم و تهدید لرنی بوتونله ی یوق قیلیشدن عبارت. تورکیه, عراق و سوریه نینگ کیله جگیده بولووچی ترور تشکیلاتی و تروریزم گه هیچ قچان اورین یوق.  منطقه میزده قان, کوز یاشی و ویرانگرچیلیکدن باشقه بیر نرسه گه سبب بولمه گن بو قاتل لرنینگ تامیری نی قوریتگونگه قدر کوره شی میز دوام ایته دی" دییه قید ایتدی.

جمهوررئیس ایردوغان, عملیات لرده کوپینچه تورکیه نینگ اوزیده ایشلب چیقاریلگن حربی امکانیت لردن استفاده ایتیلیاتگن لیگی اوچون فخرله نیاتگن لیک لری نی بیلدیردی. 

ایردوغان اوز سوز لری نی, "ترورچی لرنینگ مرکز لری نینگ هدف قیلیب آلینگن عملیاتده, حاضرگه چه کوپلب ترورچی یوق قیلیندی. تروریزم نینگ تامیری نی قوریتیش و یورتداش لری میز نی تروریزم بلاسیدن قوتقریش بوییچه قرار لی میز" شکلیده دوام ایتتیردی. 

جمهوررئیس ایردوغان, "(اولسه م شهید قالسه م ایسه غازی) مفکوره سی بیلن آلیب باریلیاتگن اوشبو کوره شده قهرمان اردومیز گه قرشی مقاومت قیلاله دیگن بیر کوچ موجود ایمس.  عراق نینگ توپراق بوتونلیگی گه حرمت کورسه تیله دیگن بیر شکلده اویوشتیریلیاتگن بو عملیات, منطقه ده تینچلیک و امنیت نینگ تامین ایتیلیشی بوییچه مهم رول اوینه یدی" دییه قید ایتدی.