تورک و انگلیس مقام لری اورته سیده اوچره شوو بولیب اوتدی

تورکیه جمهوریتی جمهوررئیسلیک سوزچیسی ابراهیم قلین, پایتخت انقره گه کیلگن, انگلیس تشقی استخبارات سرویسی نینگ ینگی باشلیغی ریچارد مور بیلن اوچره شدی. 

جمهوررئیسلیک مجتمع سیده بولیب اوتگن اوشبو اوچره شووده, تورکیه بیلن انگلستان اورته سیده گی مناسبت لرنینگ کوچه یتیریلیشی و خوفسیزلیک و تشقی سیاست ساحه لری بوییچه ایکله اولکه آره سیده گی همکارلیک امکانیت لری توغریسیده سوز یوریتیلدی. 

قاره باغ مسئله سی و لیبیا ده گی ینگی لیک لر باره سیده هم کینگ کولملی بحث ایتیلگن اوچره شووده, اورته شرق بیلن شرقی اورته ییر دینگیزی منطقه لریده برقرارلیک نینگ اورنه تیلیشی بوییچه ایککی اولکه نینگ مشترک خوفسیزلیک سیاست لری باره سیده هم فکر المه شیلدی.