تورکیه ده کرونا ویروس سببلی حیاتی نی یوقاتگن کیشی لر سانی 75 گه ییتدی

تورکیه جمهوریتی ساغلیق نی سقلش وزیری فخرالدین کوجه تویتر آرقه لی بیرگن بیاناتیده, ینه 7286 کیشی نینگ تست ایتیلگن لیگی نی بیلدیررایکن, اوشبو کیشی لر دن 1196 نفری نینگ تستی نینگ مثبت چیققن لیگی نی معلوم قیلدی. 

کوجه, تورکیه ده ینه 16 کیشی نینگ کرونا ویروس سببلی حیاتی نی یوقاتگن لیگی نی بیلدیردی. 

فخرالدین کوجه, شونده ی قیلیب بیرینچی کون دن بیری تورکیه ده اوشبو ویروس سببلی حیاتی نی یوقاتگن کیشی لر سانی نینگ 75 گه ییتگن لیگی ایسله تیب اوتدی. 

ساغلیق نی سقلش وزیری, تورکیه ده کرونا ویروس نی یوقتیریب آلگن کیشی لر سانی نینگ ایسه 3629 گه ییتگن لیگی نی بیلدیردی. 

عینی دمده کوجه, انسان لرنینگ آلینگن تدبیر لر گه حتماً رعایت ایتیشی کیره ک ایکن لیگی نی معلوم قیلدی.