اردوغان تلفن آرقه لی ترامپ بیلن اوچره شدی

امریکا قوشمه ایالت لری دولت رهبری دونالد ترامپ, تلفن آرقه لی, تورکیه جمهوریتی جمهوررئیسی رجب طیب اردوغان بیلن اوچره شیب, تورکیه نینگ ایلازیغ ولایتیده یوز بیرگن زلزله عاقبتیده جان بیرگن کیشی لر اوچون تسلیت بیلدیردی. 

اوشبو مطلب نی تورکیه جمهوریتی جمهوررئیسلیک ارتباط لر ریاستی بیلدیردی. 

ارتباط لر ریاستی تامانیدن بیریلگن بیاناتده, رهبر لر نینگ ایککی تامانلمه مناسبت لر دن تشقری, ادلب و لیبیا کبی منطقه مقیاسیده گی موضوع لر باره سیده هم بحث ایتگن لیک لری معلوم قیلیندی. 

آق اوی نینگ مطبوعات سوزچیسی نینگ اورینباسری جود دییر ایسه, اردوغان بیلن ترامپ اورته سیده بولیب اوتگن تلفنی صحبت حقیده بیرگن یازمه بیاناتیده, "ایککی رهبر لیبیا ده تشقی مداخله لرنینگ توخته تیلیشی و آتشکیسین نینگ دوام ایتتیریلیشی کیره ک ایکن لیگی موضوعی توغریسیده بحث ایتدی لر.  عینی دمده رهبر لر ادلب ده دوام ایتیاتگن ناتینچ لیک لرنینگ اداققه ییتیشیشی خصوصیده اوز ارا کیلیشیب آلدی" دییه قید ایتدی. 

عینی دمده بیاناتده, ترامپ نینگ, شرقی آقدینگیز بوییچه تورکیه بیلن یونان اورته سیده گی کیلیشمووچیلیک لرنینگ ییچیلیشی نینگ اهمیتی گه دقت قره تگن لیگی هم بیلدیریلدی.