ایردوغان: مسلمان عالمی مدنیت-صنعت بوییچه یوکسلمه گن تقدیرده یشش حقیدن هم مدافعه قیلالمه یدی

جمهور باشلیغی رجب طیب ایردوغان،

"بوگونکی کونده فقط مینگلب ییل لیک انتقام نی آلیش تویغولری بیلن قیلگن هجوملری گه دوچ کیلگن میز" دیدی.

ایردوغان، بیش تیپه ملت کنگره و مدنیت مرکزیده اویوشتیریلگن جمهور رئیسلیک مدنیت – صنعت بویوک مکافات مراسمیده صحبت عملگه آشیردی.

جمهور باشلیغی ایردوغان قدیم جغرافیه لرنینگ بغدا، دمش، حلب کبی مدنیت مرکزلری ییر بیلن یکسان ایتیلماقده ایکن، پاریس، لندن، روم، برلینده اولتیرگنلرنینگ سیس چیقرمه گنینی ایتدی.

ایردوغان جنابلری، بیرینچی و ایککینچی کورفز اوروشیده عراق نینگ مدنی و تاریخی میراثی نینگ اوغیرلنگن لیگینی ویا تخریب قیلینگن لیگینی ایسله تیب اوتدی. شونگه اوخشش وحشت نینگ افغانستان بیلن سوریه ده هم یوز بیرگن لیگی گه اشاره قیلیب، فقط انسانلرنی ایمس، مینگلب ییل لیک بیر تاریخ و مدنیت نینگ هم یوق بولیب کیتگنینی اورغوله دی.

بو جغرافیه ده برچه مدنیتلرنینگ مشترک خصوصیتی نینگ غرب گه قرشی اوستینلیکلری بولگنینی افاده ایتگن ایردوغان، شولرنی ایتدی:

" بوگونکی کونده فقط مینگلب ییل لیک انتقام نی آلیش تویغولری بیلن قیلگن هجوملری گه دوچ کیلگن میز. مسلمان بوسنی لرنی پستانه بیر شکلده قتل قیلگنلرنی باش اوستی گه کوترگن و قلمیدن نفرت و قان تامله گن بیر کیشی گه نوبل مکافاتی بیریلدی و متاسفانه بیر انساندن باشقه هیچ کیم سیس چیقرمه دی. شونقه بیر سیس سیزلیک مثال اوچون 100 مینگ انگلیس، آلمان، فرانسیز، ایتالیالیک، نارویلیک نی قتل قیلگن بیرته گه بیریلسه بونقه سیس سیزلیک بولر می ایدی" اویله مه یمن. انه شو حادثه بیزگه مدنیت-صنعت ساحه سیده دنیا مقیاسیده سوز ایگه سی بولمه گن تقدیرده یشش حقیمیزدن هم مدافعه قیلیشیمیزنینگ ممکن ایمس ایکن لیگینی کورستماقده" دیدی.