تورکیه تشقی ایش لر وزیری چاووش اوغلی لبنان گه تشریف بویوردی

تورکیه جمهوریتی تشقی ایش لر وزیری مولود چاووش اوغلی رسمی بیر سفر بیلن لبنان گه تشریف بویوردی. 

چاووش اوغلی و اونینگ بیرگه کیتگن هیئت اعضالری, بیروت ده گی رفیق حریری هوا قونلغه سیده تورکیه نینگ بیروت ایلچی سی خاقان چاقیر, لبنان تشقی ایش لر وزیرلیگی پروتوکل ریاستی نینگ عمومی رئیسی و باشقه مسئول لر تامانیدن کوتیب آلیندی. 

مولود چاووش اوغلی, تویتر آرقه لی بیرگن بیاناتیده, "ایریم اوچره شوو لر اوتکزیش اوچون دوست اولکه لبنان گه کیلدیک" دییه قید ایتدی. 

چاووش اوغلی اوشبو سفری دایره سیده لبنان ده جمهوررئیس, پارلمان باشلیغی, باش وزیر و تشقی ایش لر وزیری بیلن اوچره شه دی. 

تورکیه جمهوریتی تشقی ایش لر وزیرلیگی اوشبو اوچره شوو لر جریانیده اساساً ایککی اولکه اورته سیده گی مناسبت لر, منطقه و خلق ارا مقیاسده گی ینگی لیک لر باره سیده سوز یوریتیله دیگن لیگی نی بیلدیردی. 

عینی دمده چاووش اوغلی اوشبو سفری دایره سیده لبنان ده یشیاتگن تورک لر بیلن هم صحبت قیله دی.