روسیه تشقی ایشلر وزیری تورکیه گه تشریف بویوره دی

تورکیه جمهوریتی تشقی ایشلر وزیری مولود چاووش اوغلی, 29 مارچ کونیده تورکیه نینگ انتالیا ولایتیده روسیه تشقی ایشلر وزیری سرگی لاوروف بیلن اوچره شه دی. 

تشقی ایشلر وزیرلیگی تامانیدن بیریلگن یازمه بیاناتده, چاووش اوغلی نینگ لاوروف بیلن بیرگه 29 مارچ کونیده انتالیاده بولیب اوته دیگن تورکیه – روسیه همکارلیک کینگشی مشترک ستراتیژیک پلانلش گروپی نینگ 7- ییغیلیشی نی باشقره دیگن لیگی معلوم قیلیندی. 

اوشبو ییغیلیش دایره سیده ایککی اولکه اورته سیده گی مناسبت لر, خلق ارا و منطقه مقیاسیده گی ینگی لیک لر باره سیده کینگ کولملی اوله راق بحث قیلینه دیگن لیگی بیلدیریلدی. 

ییغیلیش اداغیده, تورکیه جمهوریتی بیلن روسیه فدراسیونی تشقی ایشلر وزیرلیک لری اورته سیده گی 2019-2020 مشوره پلانی امضاله نه دی. 

عینی دمده تورکیه جمهوریتی جمهوررئیسی رجب طیب اردوغان نینگ 8 اپریل کونیده روسیه جمهوررئیسی ولادیمیر پوتین بیلن اوچره شیش اوچون روسیه گه جونب کیتیشی کوتیلماقده.