تورکیه ملی مدافعه وزیری امریکا قوشمه ایالتلری قوراللی کوچلر قومندانینی قبول قیلیب اوچره شدی

ملی مدافعه وزیری خلوصی آقر انقره گه تشریف بویورگن امریکا قوشمه ایالتلری قوراللی کوچلر قومندانی جنرال جوزف دنفوردنی قبول قیلیب اوچره شدی.

مذکور اوچره شووده تورکیه قوراللی کوچلر قومندانی جنرال گولر هم قتنشگن ایدی.

ملی مدافعه وزیرلیگیدن بیریلگن بیاناتده،

"ترور تشکیلاتی PKK/YPG گه بیریلگن قوراللرنینگ قیته ریب آلینیشی و داعش داخل برچه ترور تشکیلاتلریگه قره ته کوره ش بوییچه فکر المه شووی عملگه آشیریلدی" دیب ایتیلگن.

مذکور بیاناتگه کوره، آقر مخاطب لریگه "منبچ نقشه سی نینگ تیزلیکده نهائی قیلیب ترور تشکیلاتی PKK/YPG نینگ تیزلیکده منطقه دن چیقریلیشی نینگ ضرورلیگی" اورغولنگن. عین دمده "تورکیه نینگ چیگره لری نینگ امنیتی و منطقه نینگ بردم لیگی اوچون تورلی چاره – تدبیر کوریش توغریسیده قاطع ایکن لیگی" بیلدیریلدی.