​​​​​​​تورکیه ده بیر افغانستانلیک نی اولدیرگن ایککی کیشی اوشلندی

معلوم بیر مدت آلدین تورکیه نینگ قیرشهر ولایتیده چوپانلیک قیلیاتگن افغانستان لیک ملا بورجان محمدی اولدیریلرایکن, اونینگ جسدی ایسه بیر جنگل نینگ ایچیدن تاپیلگن ایدی. 

قیرشهر ولایتی امنیه قوماندان لیگی ایسه اوشبو جنایت نی تیکشیریب چیقیش اوچون 10 کیشی لیک بیر تیم قوردی. 

مذکور تیم منطقه ده آلیب بارگن تیکشیرولری نتیجه سیده باشقه بیر جایده چوپانلیک قیلیاتگن اسم و تخلص لری نینگ باش حرف لری F.A و F.M بولگن ایککی افغانستانلیک نی اوشبو قضیه بیلن علاقه لی نظارت آستیگه آلدی.

قرض مسئله سی سببلی اوروشگن لیک لری و خوددی شوو اوروش جریانیده ملا بورجان محمدی نی پیچاقلب اولدیرگن لیک لری نی اعتراف قیلگن ایککی مظنون محکمه تامانیدن قماققه تشلندی.