تیکا اداره سی افغانستانده افطاریه ترتیب بیردی

تورک همکارلیک و موافق لشتیریش اداره سی تیکا (TİKA) افغانستان ده بیر یتیم خانه ده افطاریه پروگرامی اویوشتیردی.

تیکا اداره سی تامانیدن بیریلگن بیاناتده، هرات بی بی سُمیه یتیم خانه سیده یتیم باله لر اوچون اویوشتیریلگن افطار پروگرامی گه تیکا سترتیژی و ترقیات باشلیغی تولگه کیسکین، هرات حج و اوقاف باشلیغی سید احمد شیرزادی، هرات باش قاره لاوچیسی حاجی عبدالحق احمدی، هرات سوداگرلر اتاقی باشلیغی و هرات خایتن – قیزلر بیرلیگی باشلیغی بیلن 250 کیشی اشتراک ایتدی.

پروگرام، قرآنکریم دن آیت و یتیم خانه ترانه گروهی تامانیدن اجرا ایتیلگن نعت بیلن باشلندی.

پروگرامده صحبت قیلگن هرات حج و اوقاف باشلیغی سید احمد شیرزادی، تورکلرنینگ عصرلب بویی اسلام نینگ خذمتگاری ایکن لیگینی معلوم قیلیب، تیکانینگ هراتده گی موجودیتیدن و بیر خذمتلریدن جوده ممنون ایکن لیکلرینی تیلگه آلدی.

تیکا هرات باشلیغی علی ایرگون چینار هم افغانستانده بیرگن هرتامانلمه خذمتلرده یتیم باله لرنی ایسدن چیقرمه گنلرینی و یتیملر بیلن علاقه لی دایمی فعالیتلرنینگ تیارگرلیک لری ایچیده ایکن لیکلرینی بیلدیردی