ولادیمیر پوتین و رجب طیب ایردوغان اورته سیده مذاکره لر باشلندی
اوچره شوودن آلدین مطبوعات گه بیانات بیردیلر
ولادیمیر پوتین و رجب طیب ایردوغان اورته سیده مذاکره لر باشلندی
ساچی شهریده روسيه جمهور رئیسی ولادیمیر پوتین و تورکيه جمهور رئیسی رجب طیب ایردوغان اورته سیده ایکّی تامانلمه مذاکره لر باشلندی.
دولت رهبرلری سوريه معماسینی، کیمیاوي قورال باره سیده‌گی سواللرنی همده باشقه دالضرب خلق‌ارا مسأله‌لرنی محاکمه اېتیشی نظرده توتیلگن.
ایکّی دولت رهبری اوز ارا اوچره‌شوودن آلدیدن مطبوعاتی کنفرانس اویوشتیردی.
ایردوغان: «اوّلا عزیز دوستیم پوتین نینگ بو تکلیفی اوچون منّتدارچیلیک بیلدیره‌من»،-دېیه سوزینی باشله‌دی.
روسيه بیلن تورکيه اورته‌سیده‌گی اوزارا مناسبتلر و منطقوي مسأله‌لر اطرافلیچه محاکمه قیلینیشینی ایتگن ایردوغان: «اوستیمیزگه کتّه مسوولیتلر یوکلنگن مرکّب دورنی باشیمیزدن اوتکزیه‌بمیز. مین شونگه ایشانه‌من کی، روسيه و تورکيه تامانیدن ساچیده رېجه‌لشتیریله‌دیگن فعالیتلر منطقه تقدیرینی اوزگرتیره‌دی»،-دېدی.
روسيه جمهور رئیسی ولادیمیر پوتین هم تورکيه-روسيه علاقه‌لری اوزیگه خاص اهمیتگه اېگه اېکنینی ایتدی.
«تکلیفیمیزنی قَیترمسدن ساچیگه کیل گنینگیز اوچون کتّه رحمت. علاقه‌لریمیز کیلیشیب آلگنیمیزدېک ایجابي دوام اېتماقده. ایش یوزه‌سیدن اوچره‌شیب تورر اېکنمیز، اوزارا مناسبتلریمیزنی، قاله‌وېرسه سوريه و باشقه دالضرب خلق ارا مسأله‌لرنی محاکمه قیلیش امکانیتیگه اېگه‌میز. بوندن ممنون من»،-دېیه تأکیدله‌دی.
ولادیمیر پوتین: «جناب ایردوغان سیز بیلن بولگن اوچره‌شوولریمیز، تورکيه-روسيه علاقه‌لری نینگ یخشیلنیشیدن سونگ، ینه هم مهم اهمیتگه اېگه بولگنیدن دلالت بیره دی. روسيه‌گه خوش کیلیبسیز!».
تورکيه‌ده بولیب اوتگن رفراندوم نتیجه‌لری طفیلی ایردوغاننی تبریکله‌گن پوتین: «تورکيه‌ده‌گی ایچکی سیاسي وضعیت نینگ ایجابي تامانگه اوزگریشی تورکيه-روسيه مناسبتلریگه ایجابي تأثیر کورسه ته‌دی. چونکه، سیز بیلن همکارلیکده آلینه دیگن قرارلر نینگ اکثریتی استراتیژیک اهمیتگه اېگه بولگنی سببلی پارلمانلریمیز تامانیدن تصدیقلنیشی کیره‌ک»،-دېدی.
ایردوغان هم اوزارا مناسبتلر قَیته تیکلنگنیدن ممنونلیگینی بیلدیرگن
علاقه لی ینگی لیکلر
تورکیه ایچکی ایشلر وزیری ترورچیلیک که قرشی کوره ش بوییچه معلومات بیردی
مذکور وزیر یوزلب تروریست جنگری نینگ تاثیرسیز وضعیت گه کیلتیریلگن لیگینی بیلدیردی
