ترکیه نینگ تورلی منطقه لریده تروریست لرگه قره ته هجوم اویوشتیریلماقده

ترکیه نینگ تورلی منطقه لریده تروریست لرگه قره ته هجوم اویوشتیریلماقده

حقاری – وان ولایتلری گذرگاهی تیکشیرووی جریانیده یولده اورنه تیلگن ماین نی خنثی قیله دیگن پیتده تروریست اعضالری تامانیدن اوزاقدن ریموت ارقه لی پارتله تیلیشی باعث بیر عسکر شهید بولیب، 3 عسکرنینگ یره لنگن لیگی بیلدیریلدی.

تروریست اعضالری نینگ برهم اوریلیشی اوچون منطقه ده عملیات باشله تیلگن لیگی قید ایتیلدی.

شمدینلی اولوسوال لیگی نینگ سمانلی و جدیکان منطقه لریده آلیب باریلگن عملیات جریانیده ترکیه نینگ حدودی نینگ تشقریسیدن هاوان توپ آتیلگن لیگی نتیجه سیده 1 عسکر شهید بولیب، 1 عسکر ایسه یره لنگن.

منطقه گه کیلگن امبولانس هیداوچی سی نینگ هم تروریست گروهی اعضالری تامانیدن فیر ایتیلگن لیگی باعث یره لنگن لیگی بیلدیریلدی.

خوفسیزلیک کوچلری هاوان توپ فیر قیلینگن منطقه گه هاوان و تانک لر آرقه لی هجوم اویوشتیرگن لیکلری افاده ایتیلدی.

حاضرگچه توقنه شوو دوام ایتماقده ایکن، 10 کیشی تروریست اعضاسی اولدیریلگن.

وان نینگ باش قلعه اولوسوال لیگیده 2 کیشی تروریست اعضاسی خوفسیزلیک کوچلریگه کیلیب تسلیم بولگن.