اردوغان: تروریزم نی حمایه لیتگن کیشی لر نینگ ترکیه تابعیتی نینگ قوللریدن آلیب قویلیشی کیره ک

ترکیه جمهوریتی جمهوررئیسی رجب طیب اردوغان, ترور تشکیلاتی نی حمایه لیتگن ترک لرگه قرشی ترکیه تابعیتی نی قول لریدن آلیب قویش داخل برچه تدبیر لر نینگ آلینیشی کیره ک ایکن لیگی نی بیلدیردی.

جمهوررئیسی اردوغان, اپریل آیی نینگ ۵ نچی کونی یعنی آقلاوچی لر کونی مناسبتی بیلن ترکیه نینگ فرقلی ولایت لریدن کیلگن آقلاوچی لر بیلن جمهوررئیس لیگی قصریده صحبت ایتدی.

قیلگن صحبتی جریانیده تروریزم گه قرشی کوره ش حقیده بحث ایتگن اردوغان, ترور تشکیلاتی نینگ کوچه لر, اویلر, قرآن کریم نینگ جلدی و باله لرنینگ اوینچاق لری کبی جای لر گه منفجره مواد جایلشتیریب انسانیت دن نصیبی نی آلمه گن لیگینی کورسه تیب بیرگن لیگی نی معلوم قیلدی.

اردوغان, "بو یورت گه خیانت قیلیش نی اویلیتگن کیشی لر بیر مینگ ییلدن بیری بونده ی کیشی لر گه قنده ی جواب بیریلیب کیلینگن لیگی نی کوریشلری کیره ک. ترکیه جمهوریتی گه قرشی یمان بیر نیتی بولگن کیشی لر گه ملتیم نامیدن مین هم جمهوررئیسی صفتیده جوده قتتیق بیر سیاست آلیب باره من" دییه قید ایتدی.

تروریزم گه قرشی کوره ش بوییچه ینگی آدیم لرنینگ تشله نه دیگن لیگی نی ایما ایتگن جمهوررئیسی اردوغان, "ترور تشکیلاتی نی حمایه لیتگن تامان لر گه قرشی اولرنینگ تابعیتی نینگ قوللریدن آلیب قویلیشی داخل برچه تدبیر لرنینگ آلینیشی کیره ک" دییه قید ایتدی.

عینی دمده جمهوررئیسی اردوغان ایندی ترکیه جمهوریتی نینگ تروریست لر بیلن مذاکره ایتیشی نینگ هیچ بیر شکلده ممکن ایمس لیگی نی بیلدیردی.

موازی ساختار گه هم عکس العمل کورستگن اردوغان, امریکا قوشمه ایالتلری گه قیلگن سونگگی سفری جریانیده, اوشبو ساختار نینگ بولووچی ترور تشکیلات لرنینگ منسوب لری بیلن قنچه لیک همکار ایکن لیگی نی کورگن لیک لری نی ایسله تیب اوتدی.