اردوغان: سیلاو نتیجه سی تروریزم نی حمایه لیتگن لر گه بیر جواب

ترکیه جمهوریتی جمهوررئیسی رجب طیب اردوغان, ترکیه ده بولیب اوتگن سیلاو لرنینگ نتیجه سی نینگ اساساً ترور تشکیلاتی و اونینگ بیلن همکارلیکده فعالیت آلیب باریتگن ساختار لر گه قره تیلگن بیر پیامدن عبارت ایکن لیگی نی بیلدیردی.
جمهوررئیسی اردوغان, اوشبو سیلاو لرنینگ نتیجه سی نینگ معلوم بولیشی آرتیدن تحریری بیر بیانات بیردی.
جمهوررئیسی اردوغان جون آیی نینگ ۷ نچی کونیده سیلاو لرنینگ تکراری دن عبارت بولگن اوشبو سیلاو لرنینگ دموکراتیک بیر شرایطده بولیب اوتگن لیگی نی ایسله تیب اوتدی.
بیاناتده, "ملتی میز جون آیی نینگ ۷ نچی کونیده گی سیلاو آرتیدن ریسک آستیده قالیب کیتگن برقرارلیک نینگ قیته باشدن تامین ایتیلیشی جهتیده رای بیردی" دییه قید ایتیلدی.
اردوغان, آلینگن نتیجه لر گه کوره, ۱۳ ییل دن بیری ترکیه نی باشقریب کیلیتگن عدالت و توسعه حزبی نینگ ینه بیر مرته ۴ ییل لیق بیر مدت بیلن ترکیه نی باشقریش حقی نی کسب ایتگن لیگی نی بیلدیردی.
جمهوررئیسی اردوغان, "ملتی میز نوامبر آیی نینگ ۱ نچی کونیده گی سیلاو لر بیلن اولکه میز ده اتحاد و اتفاق نینگ سقله نیب قالینیشی اوچون کوچلی بیر اراده کورستدی. اوشبو اراده گه همه نینگ حرمت کورسه ته دیگن لیگی گه ایشانه من" دییه قید ایتدی.
اوشبو بیاناتیده, یککه اوزی نینگ حکومت نی قوریش اوچون کیره ک لیک رای کسب ایتیش گه موفق بولگن عدالت و توسعه حزبی و اونینگ رهبری ترکیه جمهوریتی نینگ باش وزیری احمد داوود اوغلی گه اوز تبریک لری نی بیلدیرگن اردوغان, اوشبو جهتده رای بیریب ترکیه نینگ کیله جگی گه اهمیت بیرگن برچه کیشی لر گه هم اوز منتدارچیلیک لری نی بیلدیردی.