ترکیه نان نی اسراف ایتمه دی بیر میلیارد دالر مفاد قیلدی

ترکیه ده نان نینگ اسراف ایتیلیشی گه قرشی آلیب باریلگن کمپاین نتیجه سیده قریب بیر میلیارد دالر مفاد قیلیندی.
کونده لیک غذائی مواد نینگ اینگ مهم قسمیدن عبارت بولگن نان نینگ کوپ مقدار ده اسراف ایتیلیتگن لیگی کورینماقده.
ترکیه ده توپراق محصول لری دفتری تمانیدن آلیب باریلگن بیر تحقیقات نتیجه سیده کونده ۱ میلیون ۵۰ مینگ قرص نان نینگ اسراف ایتیلیتگن لیگی و شونده ی قیلیب کونده ۱۰۰ میلیون دالر لیک بیر سرمایه نینگ قولدن کیتیب قالیتگن لیگی کوریندی.
اوشبو دایره ده خودی منه شو دفتر نینگ اوزی میلادی ۲۰۱۳ نچی ییلیده "نان نی اسراف ایتمه" شعاری بیلن بیر کمپاین باشله تیب یوباردی.
خودی منه شو کمپاین ایسه رسمی اداره لر دن تشقری نادولت تشکیلات لرنینگ هم حمایه سی بیلن اجتماعی بیر مسئولیت گه ایله نیب قالدی.
اوشبو دایره ده انسان لرنینگ نان لری نی قنده ی قیلیب اسره شی کیره ک ایکن لیگی گه تیگیشلی میتود لر میدیا آرقه لی بیلدیریلدی.
کهنه بولگن نان لر دن قنده ی قیلیب طعام لر و شیرین لیک لر تیاره له نیشی کیره ک ایکن لیگی خصوصیده کتابلر یازیلدی.
اوشبو کمپاین نینگ باشلب کیتگن کوندن حاضرگی کون گه قدر قریب بیر میلیارد دالر لیک بیر مقدار ده مفاد قیلینگن لیگی معلوم قیلیندی.
عینی دمده اوشبو دایره ده کونده بیر میلیون قرص نان آشقال گه تشله نیشدن نجات تاپگن بولدی.