تورکیه مطبوعات خلاصه لری

تورکیه مطبوعات خلاصه لری
ینگی شفق روزنامه سی: تورکیه ینگی دنیانی قوره دیگن اولکه لرقطاریده بولیشی کیره ک
تورکیه اقتصاد وزیری نهاد زیبکچی، 7.نچی بویوک ایلچیلر کنفرانسیده گی اوز صحبتیده؛ دنیا تجارت و اقتصاد اساسیده ینگی بیر جهتگه قره ب کیتماقده دیر. تورکیه ایسه مذکور یولنی تعین ایته دیگن اولکه لر آره سیده اوز اورنینی آلیشی کیره ک، دیدی. عین دمده تورکیه نینگ کوچلی بیر اقتصاد پولیتیکه سی موجود دیر، اینیقسه تورکیه اوز اقتصادی کیله جگینی قورماقده دیر، دیدی.

آقشم روزنامه سی: امریکا قوشمه ایالتلری دنیا ده گی عسکری قرارگاه لرینی آزه یاپیب بارماقده دیر
پنتاگون نینگ بیاناتیگه کوره، امریکا قوشمه ایالتلری دنیا ده گی قرارگاه لریدن 25 ته سینی یاپیب، مذکور اولکه لرنینگ دولتیگه تسلیم بیریشلری ممکن دیر. ایتیلیشیچه، انگلستانده گی راف میلدنحال RAF Mildenhall، راف الکنباری RAF Alconbury و راف مولیسویرت RAF Molesworth یاپیله دیگن قرارگاه لر قطاریده دیر. بیراق تورکیه نینگ آدانا ولایتی انجیرلی تومنی ده گی قرارگاه حقیده هیچ قنده ی بیلگی بیریلمه گن دیر.

صباح روزنامه سی: تورکیه مهاجر قبول قیلگن اولکه لر قطاریده 4.نچی بولدی
خلق ارا ملتلر تشکیلاتی (UN) نینگ مهاجرلر یوکسک اداره سی، اینگ کوپ مهاجر قبول ایتگن اولکه لر قطاریده پاکستان 1.نچی تورکیه ایسه 4.نچی اوریننی آلگنلیگی نی معلوم قیلگن دیر.

ستار روزنامه سی: میلادی دیسمبر آیده 146 مینگ موتر ساتیلگن
تورکیه ده، میلادی 2014.نچی ییل نینگ سونگ آیی دیسمبر ده 146 مینگ موتر ساتیلگن لیکی بیلدیرلگن دیر. خبرگه کوره، میلادی 2014.نچی ییل جریانیده 767 مینگ موتر ساتیلگن دیر.

صباح روزنامه سی: تورکیه فتبالده 1 آدیم یوقاری چیقدی
تورکیه اروپا ده گی 4 ته مسابقه دن 4 نمره آلیب، فیفا FIFA ده گی نمره سینی 604 گه چیقاریشگه موفق بولگن دیر. اروپا و دنیاده گی برچه مسابقه لرنینگ نتیجه سیگه کوره، آلمان فیفا FIFA نینگ لیستیده آلمان 1. نچی، ارجنتین 2.نچی و تورکیه ایسه 48.نچی اوریننی آلگن دیر.