ترکیه جمهوررئیسی: بیرلشگن ملت لر ده ریفورم بولسین

ترکیه جمهوررئیسی رجب طیب اردوغان بیرلشگن ملت لر تشکیلاتی ساختاری نینگ اوزگریشی کیره ک ایکن لیگی نی بلدردی.
اردوغان, اکتوبر آیی نینگ 24 نچی کونی یعنی بیرلشگن ملت لر تشکیلاتی نینگ قوریلگن کونی بیلن علاقه لی بیر پیام ترقتدی.
اردوغان, خلق ارا مقیاس ده گی اوزگریش لرنینگ, بیرلشگن ملت لر تشکیلاتی ساختاری نینگ اوزگرتریلیشی نی مجبوری بیر وضعیت گه کیتیریب قویگن لیگی نی بلدردی.
اردوغان, "خوف سیزلیک کینگشی و بیرلشگن ملت لر تشکیلاتی نینگ برچه ساختاری ده بیر ریفورم قلینیشی فعالیت لری گه ترکیه هم جدی بیر شکل ده حصه قوشماقده" دییه قید ایتدی.
اردوغان, ترکیه نینگ, بیرلشگن ملت لر تشکیلاتی خوف سیزلیک کینگشی ده ینه ده کوپراق اولکه لرنینگ نماینده لیک ایتیلیشی اوچون زمینه یره ته دیگن, شفاف فعالیت لر آلیب باره دیگن, موثر و حساب بیره آله دیگن بیر خصوصیت گه ایگه بولیشی نی طلب ایتیتگن لیگی نی بلدردی.
جمهوررئیسی اردوغان اوشبو پیامی ده, ترکیه نینگ میلادی 2014 نچی ییلی دن باشلب انسانی یاردم لر جهتی دن دنیا نینگ اینگ کتته تورتینچی اولکه سی دن عبارت بولگن لیگی نی معلوم قلدی.