تورکیه نینگ باشاق شهر جماعه سی انگلستان نینگ منچستریونایتید جماعه سیگه قرشی غلبه قازاندی

UEFA قهرمانلر لیگی H گروپ اوچونچی هفته بیلله شوولری بولیب اوتدی.

شو چوکاتده تورکیه نینگ باشاق شهر جماعه سی انگلستان نینگ منچستریونایتید جماعه سی بیلن استانبولده اوچره شدی و انگلیس رقیبی گه قرشی 2-1 بیلن غلبه قازاندی.

باشاق شهر بو نتیجه بیلن گروپده ایلک مرته موفقیت قولگه کیریتیب 3 نمره آلدی.

استانبول فاتح تریم استدیومیده بولیب اوتگن بیلله شووده باشاق شهرنینگ گوللرینی 13- دقیقه ده دیمبابا 40- دقیقه ده ایسه ایدین ویسچا اوردی.

مهمان بولیب کیلگن منچستر یونایتیدنینگ گولینی ایسه 43 – دقیقه ده انتونی مارسیال اوردی.

بیلله شوونینگ ایککینچی میدانیده جماعه لر گول اورالمه دی و اوچره شوو 2-1 بیلن اداغگه ییتیب باردی.

بو نتیجه بیلن گروپده ایلک مرته مغلوبیت گه اوچره گن منچستر یونایتید 6 نمره ده قالرکن باشاق شهر 3 نمره خانه سیگه کیریتدی.

بو گروپده گی تورتینچی بیلله شوولر 24 نوامبر تاریخیده بولیب اوته دی.