تورکیه ملی تیرمه جماعه سی مغلوبیت گه اوچره دی

تورکیه ملی تیرمه جماعه سی پولند ملی تیرمه جماعه سیگه قرشی 2-1 بیلن مغلوبیت گه اوچره دی.

2024 اروپا بیلله شوولریگه تیارگرلیکلر دوام ایتماقده. شونده ی قیلیب تورکیه ملی تیرمه فوتبال جماعه سی هم تیارگرلیک کورماقده.

شو دایره ده تورکیه ملی تیرمه فوتبال جماعه سی بیلن پولند ملی تیرمه فوتبال جماعه سی اوزارا اوچره شوو اوتکزدی.

اوچره شوو پولندنینگ میزبانلیگیده اجرا ایتیلدی.

پولندنینگ پایتختی وارشو شهریده جایلشگن PGE Narodowy استدیومیده بولیب اوته دیگن اوچره شوونی هنگری فوتبال فدراسیونیدن حکم بالاز برکه آلیب باردی.

پولندنینگ گوللرینی 12- دقیقه ده سویدرسکی و 90 – دقیقه ده زالوسکی اوردی.

تورکیه نینگ گولینی ایسه 77- دقیقه ده باریش آلپر ییلمز اوردی.

2024 اروپا بیلله شوولریده تورکیه ف گروپ ده پورتگال، گرجستان و چیکیا بیلن اوچره شر ایکن، پولند دی گروپده هالند، فرانسه و اتریش بیلن اوچره شه دی.