تورکیه - پولند ملی تیرمه جماعه لری اوزارا اوچره شوو اوتکزه دی

2024 اروپا بیلله شوولریگه تیارگرلیکلر دوام ایتماقده. شونده ی قیلیب تورکیه ملی تیرمه فوتبال جماعه سی هم تیارگرلیک کورماقده.

شو دایره ده تورکیه ملی تیرمه فوتبال جماعه سی بیلن پولند ملی تیرمه فوتبال جماعه سی اوزارا اوچره شوو اوتکزه دی.

تورکیه ملی تیرمه جماعه سی بیلن پولند ملی تیرمه جماعه سی اوچره شووی تورکیه وقتی بیلن ساعت 21:45 ده افغانستان وقتی بیلن کیچقرون ساعت 11:15 ده بولیب اوته دی.

اوچره شوو پولندنینگ میزبانلیگیده اجرا ایتیلر ایکن،  TRT SPOR کانالی آرقه لی جانلی ر.شده نشر قیلینه دی.

پولندنینگ پایتختی وارشو شهریده جایلشگن PGE Narodowy استدیومیده بولیب اوته دیگن اوچره شوونی هنگری فوتبال فدراسیونیدن حکم بالاز برکه آلیب باره دی.

2024 اروپا بیلله شوولریده تورکیه ف گروپ ده پورتگال، گرجستان و چیکیا بیلن اوچره شر ایکن، پولند دی گروپده هالند، فرانسه و اتریش بیلن اوچره شه دی.