افغانستان نینگ شمالیده طالبان و داعش تامانیدن اولدیریلگن کیشی لرنینگ سانی آرتیب بارماقده

سرپل والی سی, میرزا اولنگ منطقه سی نینگ جنگری لر تامانیدن قول گه کریتیلیشی آرتیدن اولدیریلگن کیشی لرنینگ سانی نینگ کونساین آرتیب باریتگن لیگی نی بیلدیردی. 

سونگگی کون لرده طالبان و داعش نینگ سرپل ولایتی صیاد اولسواللیگی نینگ اوشبو منطقه سی نی آلیشی آرتیدن حاضرگه چه 50 کیشی عادی اهالی نینگ اولدیریلگن لیگی تائید ایتیلگن وضعیتده. 

سرپل والی سی ظاهر وحدت, جنگری لرنینگ قربان لرنی جوده هم یمان بیر شکلده اولدیرگن لیک لری نی معلوم قیلدی. 

عینی دمده اولدیریلگن اوشبو کیشی لرنینگ دسته جمعی قبر لر گه کومیلگن لیک لری بیلدیریلماقده. 

مسئول لر, اولدیریلگن عادی اهالی سانی نینگ کونساین آرتیب باریتگن لیگی نی معلوم قیلماقده. 

منطقه یشاوچی لری ایسه طالبان بیلن داعش نینگ بیر ایکن لیگی نی بیلدیررایکن, "قره نگ لر ایککی گروه نینگ هم بیراغی بیر جایده کورینماقده" دییه قید ایتماقده. 

قری بیر کیشی جنگری لرنینگ اونینگ عایله سیدن بیش کیشی نی اولدیرگن لیک لری نی معلوم قیلرایکن, آنه سی, سنگلی لری و اوکه لری نینگ ایسه جنگری لری نینگ قولیده اسیر ایکن لیگی نی بیلدیردی. 

شاهد لر دن بیری ایسه, اوغلی نینگ کوزی نینگ اونگیده اولدیریلگن لیگی نی بیلدیررایکن, "حتی اونینگ جسدی نی هم آله آلمه دیم" دییه قید ایتدی. 

منطقه ده 150 عایله نینگ جنگری لرنینگ قولیده اسیر ایکن لیک لری معلوم قیلینماقده.