فاریاب ولایتیده سوو تاشقینلری عاقبتیده اونلب کیشی حیاتینی یوقاتدی

افغانستان نینگ تورکمنستان بیلن چیگره داش فاریاب ولایتیده یوزبیرگن سوو تاشقینلری عاقبتیده 18 کیشی حیاتینی یوقاتدی.

اولکه نینگ شمال ولایتلریده سونگگی بیر هفته ده یوزبیرگن یاغینگرچیلیکلر سبب بولگن سیل حادثه لری عاقبتیده اولگنلر سانی 400 کیشی گه ییتدی.

طلوع نیوزگه بیانات بیرگن فاریاب والی لیگی سوزچیسی عصمت الله مرادی، ولایت مقیاسیده گی سیللر طفیلی کمیده 18 کیشی نینگ حیاتینی یوقاتگن لیگینی بیلدیردی.

مرادی شونده ی بولیب 2 مینگ جریب دن آرتیق زراعت ییرنینگ خراب بولگن لیگینی 1 مینگدن آرتیق اوی گه زیان ییتگن لیگینی و 300 دن آرتیق حیوان نینگ تلف بولگن لیگینی تیلگه آلدی.

شونده ی بولیب توناون کونی غور ولایتیده هم سوو تاشقینلری طفیلی اونلب کیشی نینگ حیاتینی یوقاتگن لیگی و اونلب کیشی نینگ لادرک ایکن لیگی بیلدیریلگندی.

افغانستان نینگ بعضی بیر منطقه لریده یاغگن کوچلی قارلرنینگ هوانینگ ایسّیب کیتیشی، کوچلی یاغینگرچیلیکلر و آست قوریش نینگ ییترسیزلیگی طفیلی یوزبیرگن سیل تاشقینلری جان و مال تلفاتلریگه سبب بولماقده. اولکه ده هر ییلی یوزلب کیشی طبیعی آفتلر طفیلی جان بیرماقده.