روسیه نینگ طالبان بیلن تولیق روشده علاقه تامین ایتیش گه جوده یقین ایکن لیگی بیلدیریلدی

روسیه خوفسیزلیک کینگشی باشلیغی اورینباسری دیمیتری مَدوَدوف افغانستان باشقروویده بولگن طالبان بیلن تولیق روشده علاقه تامین ایتیش گه یقین ایکن لیکلرینی تیلگه آلدی.

دیمیتری مَدوَدوف روس خبر آژانسی تاس گه بیرگن بیاناتده، طالبان نی منع قیلینگن ترور تشکیلاتلری رویخطیدن چیقریلیشی احتمالی موضوعی حقیده گپیردی.

مَدوَدوف شولرنی ایتدی:

"میلادی 21- عصرنینگ باشیده طالبان نی تروریست، امریکالیکلرنی ایسه افراطیگرلیک که قرشی کوره شده شریک دیب کورگندیک. ایندی وضعیت باشقه چه بولدی. ایندی طالبان قیته دن اقتدارده و اولر بیلن تولیق روشده علاقه تامین ایتیش گه یقین میز. افغانستان باشقرووی (روسیه بیلن) صمیمی دیالوگ آلیب باریش گه اورونماقده. بونی قنچه صمیمی روشده آلیب باره جکلرینی کوره میز." دیدی.

روسیه عالی سودی نینگ قراری بیلن طالبان 2003 ییلی منع قیلینگن ترور تشکیلاتلری رویخطی گه کیریتیلگندی.

دولت باشلیغی ولادیمیر پوتین نینگ افغانستان بوییچه خاص وکیلی ضمیر کابلوف، عدالت وزیرلیگی بیلن تشقی ایشلر وزیرلیگی نینگ طالبان نینگ اولکه ده منع قیلینگن ترورچیلر رویخطیدن چیقریب تشلنیشی نی دولت رئیسلیک سرایی (کرملین) گه تکلیف قیلگن لیگینی بیلدیرگندی.

تشقی ایشلر وزیری سرگی لاوروف هم طالبان نینگ افغانستان ده "حقیقی اقتدار" ایکن لیگینی بیان ایتگندی.