روسیه ده طالبان نینگ ترورچیلر رویخطیدن چیقریب تشلنیشی تکلیف قیلیندی
موضوع حقیده روسیه دولت باشلیغی ولادیمیر پوتین نینگ افغانستان بوییچه خاص وکیلی بیانات بیردی
روسیه دولت باشلیغی ولادیمیر پوتین نینگ افغانستان بوییچه خاص وکیلی ضمیر کابلوف، عدالت وزیرلیگی بیلن تشقی ایشلر وزیرلیگی نینگ طالبان نینگ اولکه ده منع قیلینگن ترورچیلر رویخطیدن چیقریب تشلنیشی نی دولت رئیسلیک سرایی (کرملین) گه تکلیف قیلگن لیگینی بیلدیردی.
کابلوف، پایتخت مسکوده ژورنالیستلرگه افغانستان بوییچه بیانات بیردی.
عدالت وزیرلیگی بیلن تشقی ایشلر وزیرلیگی نینگ طالبان نینگ اولکه ده منع قیلینگن ترورچیلر رویخطیدن چیقریب تشلنیشی بوییچه فعالیتلری نینگ اداغگه ییتکیزگن لیگینی و نتیجه لری نینگ کرملین گه تقدیم ایتگن لیگینی معلوم قیلدی.
کابلوف،
"بیز بونگه ایجابی قره یمیز. بو طالبان نینگ رسمی روشده تن آلینیشیدن آلدینگی کیره کلی بیر جریاندن عبارت. شونده ی قیلیب بو موضوع اوستیده باش قاتیریلماقده. برچه موضوعلر روسیه نینگ یوقاری مقاملریگه ییتکیزیلدی. بو توغریده قرار بیریلیشینی کوتماقده میز." دیب ایتدی.
پوتین نینگ افغانستان بوییچه خاص وکیلی کابلوف، 2022 ییلی افغانستان ده گی طالبان اوتیش دوری حکومتی نینگ تن آلینیشی احتمالی بارلیگینی بیلدیرگندی.
روسیه 2023 ییلی طالبان نی منع قیلینگن ترور تشکیلاتلری رویخطی گه کیریتگندی.
علاقه لی ینگی لیکلر
افغانستان ده طبیعی آفت طفیلی اونلب کیشی حیاتینی یوقاتدی
افغانستان نینگ شرقیده جایلشگن ننگرهار ولایتیده سیل و طوفان حادثه لری یوزبیرگن لیگی بیلدیریلدی
