ایران ده مکتبلر تعطیل ایتیلدی

ایران نینگ تهران، اصفهان، البرز، اراک و سمنان ایالتلریده هوا کیرلی لیگی طفیلی تعلیمده گی تعطیل دوام ایتماقده.

ایران خبر آژانسی ایرنا خبر بیریشیچه، دوام ایتیب تورگن هوا کیرلی لیگی طفیلی تهران و اصفهان ولایتلریده تعلیم گه قره ته اوچ کوندن بیری بیریلگن تعطیل ینه ایککی کون دوام ایته دی.

خوددی شو توزوم گه کوره مکتب آلدی تعلیم سویه سیده گی مکتبلر تعطیل ایتیلر ایکن ایلک، اورته و لیسه سویه یده گی مکتبلر بیلن عالی بیلیم یورتلریده تعلیم جانلی روشده دوام ایتیله دی.

تهران ده هوا کیرلیلیگی نینگ کوپ بولیشی طفیلی هوا کیرلیلیگی عاجل وضعیت کینگشی بعضی بیر قرارلر قبول قیلیب آلدی.

اوشبو قرارلرگه کوره دیزللی آغیر واسطه لرنینگ کیچه هم شهر مرکزیگه کیریشی منع قیلیندی. ایریم واسطه لر اوچون ایسه چهارشنبه کونی گچه بیر خانه ایککی خانه لیک رقم پلیت تیزیمی عملی بوله دی.  

تهران ده گی برچه کارخانه، صنایع، تولید، کانچیلیک و خذمت باشقرمه لریده دیزل منع قیلینه دی.

اصفهان ایالتیده هم بیر خانه ایککی خانه لیک رقم پلیت تیزیمی عملی بوله دی.  

شونده ی بولیب البرز، اراک و سمنان ولایتلری بیلن بیر قطارده شرقی آذربایجان منطقه سی نینگ تبریز و اسکو شهرلریده هم تعلیم گه قره ته توزوم ایرته اوچون هم دوام ایته دی.

خوددی شو ولایتلرده یوراک کسللیگی و نفس تارلیگی بولگنلر بیلن حامله بولگن دولت ایشلاوچیلری اویدن ایشلش گه دوام ایته دی.