پاکستان ده یوزبیرگن ریل حادثه سی عاقبتیده اونلب کیشی اولدی

پاکستان نینگ نوابشاه شهری نینگ یقینلریده بیر یولاوچی ریلی نینگ تیمیر یولدن چیقیب کیتیشی عاقبتیده 30 کیشی حیاتینی یوقاتدی 90 دن آرتیق کیشی یره لندی.

پاکستان تیمیر یوللری وزیری خواجه سعد رفیق مطبوعاتگه بیرگن بیاناتده کراچیدن راولپیندی گه قره ب یول آلگن هزاراه ایکسپرسی آتیده گی یولاوچی ریلی نینگ 10 ته واگونی نینگ نوابشاه نینگ یقینی گه بارگنده تیمیر یولدن چیقیب کیتگن لیگینی بیلدیردی.

رفیق حادثه نینگ تخنیکی بیر بوزیلیش ویا قصدی بولیش احتمالی اوستیده باش قاتیریلگن لیگینی ایتدی.

محلی مطبوعاتده اورین آلگن خبرلرده حادثه نینگ جاییده گی قیدیروو و قوتقروو اورونیشلری نینگ اداغگه ییتکیزیلگن لیگینی افاده ایتگن ییتکچیلر حادثه عاقبتیده 30 کیشی نینگ حیاتینی یوقاتگن لیگینی 90 دن آرتیق کیشی نینگ یره لنگن لیگینی قید ایتدی.

پاکستان باش وزیری شهباز شریف پنجاب ولایتیده گی بیر پروگرامده قیلگن صحبتده ریل حادثه سیده اولگنلرگه الله تعلی دن مغفرت یره لیلرگه عاجل شفا تیلب "برچه میز دوعا قیله میز، الله تعلی حیاتینی یوقاتگنلرنینگ جایینی جنتدن قیلسین، یره لیلرگه عاجل شفا تیله یمن." دیب ایتدی.

حادثه جریانیده ریلده نیچه کیشی بارلیگی حقیده معلومات بیریلمه دی.

پاکستان ده 2021 ییلی جون آییده هم ایککی ته ریل نینگ بیر بیری بیلن توقنه شیب کیتیشی عاقبتیده 63 ته یولاوچی جان بیرگندی.