ایران ده جنازه مراسملری اوتکزیلماقده

آلدینگی کون تیک اوچر حادثه سیده حیاتینی یوقاتگن ایران جمهور باشلیغی ابراهیم رئیسی، تشقی ایشلر وزیری حسین امیر عبداللهیان و ایریم ییتکچیلر اوچون ریجه لنگن جنازه مراسملری نینگ بیرینچیسی تبریزده اوتکزیلدی.

تبریز شهدا میدانیده اویوشتیریلگن و اون مینگلب کیشی قتنشگن مراسمده، جمهور باشلیغی ابراهیم رئیسی، تشقی ایشلر وزیری حسین امیر عبداللهیان، شرقی آذربایجان ولایتی والیسی مالک رحمتی و تبریز جمعه امامی محمد علی آل هاشم اوچون دوعالر قیلیندی.

ملکی و عسکری ییتکچیلر قتنشگن مراسمده جنازه لر کوپچیلیک نینگ قتنشیشی بیلن شهدا میدانیدن مصلا میدانی گه آلیب باریلدی.

 تبریزده جنازه نمازی و اوتیش مراسملری نینگ آرتیدن بوگون قم شهریده ایرته گه پایتخت تهران ده مراسم اوتکزیله دی.

جمهور باشلیغی ابراهیم رئیسی پنجشنبه کونی اویوشتیریله دیگن جنازه نمازی مراسمی نینگ آرتیدن مشهدده دفن ایتیله دی.