تهران ده جنازه مراسمی اوتکزیلدی

میلادی 19 می (30 ثور) تاریخیده تیک اوچر حادثه سیده حیاتینی یوقاتگن ایران جمهور باشلیغی ابراهیم رئیسی ف تشقی ایشلر وزیری حسین امیر عبداللهیان و ایریم ییتکچیلر اوچون پایتخت تهران ده جنازه نمازی اوقیلدی.

تهران عالی بیلیم یورتیده گی جنازه نمازینی اولکه نینگ دینی ییتکچیسی آیت الله علی خامنه یی ادا قیلدیردی.

جنازه نمازی قیلینه دیگن ساحه گه محدود سانده انسان آلینگن لیگی ایچکری گه جنازه نمازی اوچون کیرماقچی بولگن مینگلب کیشی نینگ ایشیکده قالگن لیگی بیلدیریلدی.

جنازی نمازی نینگ آرتیدن آزادی میدانیده جنازه مراسمی گه قتنشماقچی بولگن یوز مینگلب کیشی نینگ ایسه عالی بیلیم یورتی نینگ یانیده جایلشگن انقلاب میدانی و یوللرنی تولدیرگن لیگی افاده ایتیلدی.

گاوجوم نینگ کوپه یشی طفیلی اهالی نینگ جنازه مراسمی بوله دیگن آزادی میدانی گه جونه تیلگن لیگی معلوم قیلیندی.

شونده ی بولیب اولکه نماینده لری نینگ تسلیت پیاملری قبول ایتیش مراسمی هم اوتکزیله دی.

اوشبو مراسم گه تورکیه دن جمهور باشلیغ اورینباسری جودد ییلمز و تشقی ایشلر وزیری خاقان فیدان قتنشه دی.

جمهور باشلیغی رئیسی نینگ جنازه سی مشهد شهریده، تشقی ایشلر وزیری حسین امیر عبداللهیان نینگ جنازه سی ایسه تهران ده دفن ایتیله دی.

دفن ایشلری ایرته گه بولیب اوته دیگن مراسملرنینگ آرتیدن عملگه آشیریله دی.