روسیه – ایران دولت باشلیغلری اوزارا سوزلشوو اوتکزدی

روسیه دولت باشلیغی ویلادیمیر پوتین بیلن ایران جمهور باشلیغی ابراهیم رئیسی سوریه موضوعینی تیلگه آلدی.

روسیه دولت رئیسلیگی کرملین تامانیدن بیریلگن یازمه بیاناتگه کوره، پوتین بیلن رئیسی نینگ تیلفون سوزلشوویده اوزارا همکارلیک نینگ ینه ده رواجلنتیریلیشی تاکییدلنیب کون ترتیبیده گی موضوعلرنی تیلگه آلگن.

اینیقسه انرژی، ترانسپورت و لوجستیک سکتورلریده اوزارا فایده کیریتووچی پروژه لرنینگ عملی قیلینیشی طلب قیلینگن.

بیاناتده "خلق ارا موضوعلر تیلگه آلینر ایکن ایککی تامان نینگ هم سوریه موضوعیده اساسی رولی بولمیش آستانه جریانی دایره سیده اورنه تیلگن یقین موافقلشتیریش نی ایجابی بهالندیرگن لیگی بیلدیریلدی.

سوریه ده گی وضعیت نی نورماللشتیریش و توپراق بوتونلیگینی قیته دن تامین ایتیش اوچون همکارلیک نی دوام ایتتیرماقچی ایکن لیکلری افاده ایتیلدی" دییلدی.