ایران ده گی کان حادثه سیده اولگنلر سانی آرتیب بارماقده

اېران نینگ شرقیده‌گی جَنوبي خراسانگه قره‌شلی کومیر کانیده مېتان گازی نینگ پارتلشی عاقبتیده اولگنلر سانی 38 کیشیگه یېتدی.

اېران دولت تلویزیونی گه گپیرگن جَنوبي خراسان والیسی جواد قناعت، تَبَس تومنیده‌گی معدنجو کومیر کانیده توناون کونی کیچه یوزبیرگن فلاکتگه تیگیشلی سونگگی معلوماتلرنی بولیشدی.

قناعت نینگ سوزلریگه کوره‌: "معدنجو کومیر کانیده هلاک بولگنلر سانی 38 کیشیگه یېتدی. بې‌درَک یوقالگن 14 کیشینی قیدیریش-قوتقریش ایشلری دوام اېتماقده،" - دېدی.

اېرانلیک ییتکچي کان ایچیده‌گی گازنینگ قیدیریش و قوتقریش ایشلریگه سلبي تأثیر کورسته‌یاتگنینی تأکیدله‌دی.

مملکت شرقیده‌گی جَنوبي خراسان ولایتی نینگ تبس تومنیده‌گی کومیر کانیده ایکّی بولیمده توناون کونی کېچه‌ مېتان گازی پارتلشی یوز بېرگنی خبر قیلینگندی.

جَنوبي خراسان بحرانلرنی باشقریش باشقرمه سی باشلیغی محمد علی آخوندي توناون بیرگن بیاناتده‌ اولیم سانی نینگ 34 کیشیگه یېتگنینی اعلان قیلگندی.