تورکیه, آذربایجان و تورکمنستان جمهوررئیس لری نینگ اشتراکی بیلن بیر ییغیلیش بولیب اوته دی

تورکیه جمهوریتی جمهوررئیسی رجب طیب اردوغان, تورکیه – آذربایجان – تورکمنستان جمهوررئیس لری بیرینچی ییغیلیشی اوچون 13- و 14- دسامبر کون لریده تورکمنستانده بوله دی.

اوشبو حقده تورکیه جمهوریتی جمهوررئیسلیک علاقه باشقرمه سی تامانیدن بیانات بیریلدی. 

بیاناتده, تورکمنستان جمهوررئیسی سردار بیردی محمدوف نینگ دعوتی گه بناً, جمهوررئیس اردوغان دن تشقری, آذربایجان جمهوررئیسی الهام علی اف نینگ هم اشتراکی بیلن ایرته گه آوازه ده, تورکیه- آذربایجان- تورکمنستان جمهوررئیس لری ییغیلیشی نینگ بولیب اوته دیگن لیگی بیلدیریلدی. 

ییغیلیشده تجارت, انرژی و ترانسپورت کبی ساحه لر بوییچه خوددی شوو اوچ دوست و قرداش اولکه اورته سیده گی مناسبت لرنینگ ینه ده چقورلشتیریلیشی بوییچه تشله نه دیگن قدم لرنینگ بهالنتیریله دیگن لیگی بیلدیریلگن بیاناتده,  اوشبو دایره ده ایریم کیلیشوو لرنینگ امضاله نه دیگن لیگی و جمهوررئیس اردوغان نینگ بعضی اوچره شوولر اوتکزه دیگن لیگی معلوم قیلیندی.