ایران ده سوو تاشقین لری عاقبتیده کوپلب کیشی حیاتی نی یوقاتدی و یره لندی

ایران ده کوچلی یامغیر لر سوو تاشقین لری گه سبب بولدی.  اوشبو حادثه عاقبتیده 4 کیشی حیاتی نی یوقاترایکن, 9 نفر ایسه یره لندی. 

توناون کیچقرون پایتخت تهران و تیگره گیده کوپ یامغیر یاغدی. 

سوو تاشقین لری امام زاده داوود منطقه سیده 4 کیشی نینگ حیاتی نی یوقاتیشی و 9 نفر نینگ ایسه یره له نیشی گه سبب بولدی. 

یوقالگن کیشی لرنینگ تاپیلیشی اوچون قیدیرو- قوتقرو فعالیت لری باشله تیلدی. 

سوو تاشقین لری سببلی ایچکی ایش لر وزیری احمد وحیدی, ایران قیزیل یریم آی جمعیتی نینگ باشلیغی پیر حسین کولیوند, تهران والیسی محسن منصوری, بلدیه باشلیغی علی رضا زاکانی و عاجل وضعیت لر مرکزی مسئول لری نینگ اشتراکی بیلن فوق العاده ییغیلیش بولیب اوتدی. 

عینی دمده جمهوررئیس ابراهیم رئیسی, قیدیرو- قوتقرو فعالیت لری نینگ جدللشتیریلیشی و سوو تاشقین لری دن تاثیرلنگن کیشی لر گه کیره ک لیک یاردم لر نی ییتکزیب بیریش اوچون برچه امکانیت لردن فایده له نیلیشی توغریسیده بویروق بیردی.