ایران ده افغانستان موضوعینی اوز ایچی گه آلگن اوچره شوولر باشله دی

افغانستان حکومتی و طالبان گروهی نماینده لری ایران نینگ میزبانلیگیده اوچره شیش اوچون ایران نینگ پایتختی تهرانگه باردی.

ایران تشقی ایشلر وزیرلیگی تامانیدن بیریلگن بیاناتده افغانستان حکومتی و طالبان گروهی اورته سیده گی اوچره شوولر تشقی ایشلر وزیری محمد جواد ظریف نینگ باشلنغیچ صحبتی بیلن باشله گن لیگی بیلدیریلدی.

ظریف "افغانستان خلقی و سیاسی ییتکچیلرنی بوگون اولکه نینگ کیلجگی اوچون آغیر قرارلر آلیشلری کیره ک" دیدی.

مذاکره میزی اطرافی گه کیلیش نینگ و سیاسی کاناللرنینگ اینگ معقول ترجیح ایکن لیگینی افاده ایتگن جواد ظریف افغانستانلیکلر اورته سیده گی بحران نینگ اداغگه ییتیب باریشی اوچون کمک قیلیش گه تیار ایکن لیکلرینی تیلگه آلدی.

افغانستان حکومتی هیاتی گه سابق تشقی ایشلر و اوقوو وزیری یونس قانونی نینگ و طالبان گروهی هیاتی گه سیاسی دفتر باشلیغی اورینباسری عباس استانکزی نینگ باشچیلیک قیلگن لیگی بیلدیریلدی.