ایران جمهور رئیسی پزشکیان تورکیه بیزنینگ دوستیمیزدیر دیدی
پزشکیان، تورکيه-ایران مناسبتلریگه تیگیشلی سواللرگه جواب قیتردی
ایران جمهور رئیسی مسعود پزشکیان
"تورکيه بیزنینگ دۉستیمیز و قرداشیمیزدیر. قوشنیچیلیک مناسبتلریدن تشقری قرینداشلیک علاقه‌لریمیز بار،" دیدی.
مسعود پزشکیان جمهور رئیس ایتیب سیلنگنیدن کیین تهران شهریده اوتکزیلگن بیرینچی مطبوعات کنفرانسیده ژورنالیستلرنینگ سواللریگه جواب بیردی.
پزشکیان، تورکيه-ایران مناسبتلریگه عاید سوالگه جوابن:
"تورکيه بیزنینگ دوستیمیز و قرداشیمیزدیر. قوشنیچیلیک مناسبتلریدن تشقری قرینداشلیک علاقه‌لریمیز بار. بیزنینگ آره‌میزگه بیر چیگره چیزیلگن، یوقسه چیگره نینگ ایکّله تامانی هم بیرته. اعتقادلریمیز و مدنیتلریمیز بیر-بیریگه باغلیق. تورکيه بیلن علاقه‌لریمیزنی البته مستحکملشیمیز کیره‌ک،" دیدی.
اوّلگی حکومت نینگ قوشنیلر بیلن یخشی علاقه‌لرنی اوستوار کورگن سیاستینی البته دوام ایتتیریشینی تأکیدله‌گن پزشکیان، تورکيه و ایران اورته‌سیده 30 میلیارد دالرلیک تشقی سودا حجمی مقصدیگه ایریشیش اوچون نیمه قیلیشنی ریجه‌لشتیره‌یاتگنیگه عاید سوالگه ایسه قوشمه سرمایه کیریتیش‌لرنی اورغولب،
"تورکيه و ایرانده قوشمه سرمایه کیریتیش‌لر نه‌فقط اوشبو ایکّی مملکتده، بلکه پاکستان، افغانستان و باشقه منطقه دولتلریده هم عملگه آشیریلیشینی خواهله‌یمیز،" دییه جواب بیردی.
ایران جمهور رئیسی تورکيه گه "البته" سفر قیلیشینی هم قوشیمچه قیلدی.
اصلیتی تورک بولگن پزشکیان اوز وظیفه سیگه جولای آییده سیلنگن ایدی.
