تاجکستان دولتی افغانستان چیگره سیده بعضی بیر امنیتی چاره – تدبیر آلماقده

تاجکستان جمهور باشلیغی امام علی رحمان، تاجکستان – افغانستان چیگره حدودینی کوچه یتیریش اوچون 20 مینگ ته قوشیمچه عسکرنینگ سفربر ایتیلیشی بوییچه بویروق بیردی.

تاجکستان جمهور رئیسلیک مطبوعات دفتریدن بیریلگن بیاناتده بیلدیریلیشیچه جمهور باشلیغی امام علی رحمان باشچیلیگیده ملی خوفسیزلیک کینگش جلسه سی اوتکزیلگن.

شونده ی بولیب افغانستان قاله ویرسه تاجکستان - افغانستان چیگره سیده گی وضعیت نینگ تیلگه آلینگن لیگی و چیگره منطقه لریده خوفسیزلیک نینگ تامین ایتیلیشی و چیگره امنیتی نینگ کوچه یتیریلیشی بوییچه آلینه دیگن چاره – تدبیرلر اوستیده باش قاتیریلگن لیگی بیلدیریلدی.

دولت حدودینی قوریقلش اوچون چیگره نی قوریقلش ظرفیتی نینگ کوچه یتیریلیشی و مذکور منطقه لرگه قوشیمچه کوچلرنینگ جونه تیلیشی بوییچه بویروق بیریلگن لیگی و چیگره تشقریسی جرم و اخلاللرگه توسیق بولیش موضوعلری بهالندیریلگن لیگی قید ایتیلدی.

جلسه ده رحمان نینگ مدافعه وزیرلیگی گه تاجکستان – افغانستان حدودینی کوچه یتیریش اوچون 20 مینگ قوشیمچه عسکرنینگ وظیفه لنتیریلیشی بوییچه بویروق بیرگن لیگی تاکییدلندی.  

سونگگی پیتلرده طالبان نینگ تاجکستان چیگره سی یقینیده جایلشگن افغانستان نینگ بعضی بیر منطقه لرینی قولگه کیریتیب آلیشی گه بناً ایککی اولکه اورته سیده گی چیگره ده وضعیت بحرانی لشیب باررکن طالبان هجوملریدن قاچگن 1 مینگ 500 اطرافیده افغانستان حربیسی تاجکستان توپراقلریگه سیغینگندی.